
Ji ber êrişan li Rojava gelek dibistanan zirar dîtin 

2023-12-29 14:06:16


	&nbsp;

	&nbsp;

	NAVENDA NÛÇEYAN - Di encama topbaran û bombebaranên dewleta tirk a li dijî Qamişloyê de gelek dibistanan zirar dîtin.

	&nbsp;

	Mîna her salê di 25'ê Kanûnê de ji bo pîrozbahiyên Cejna Noelê dibistanê tatîl dike, lê îsal betlaneya dibistanan di vê rojê de ji hêla artêşa tirk ve hatin bombebarankirin û zirarên mezin dîtin.

	&nbsp;

	Dewleta tirk di roja Cejna Noelê de êrişên xwe li dijî Herêma Bakur û Rojhilatê Sûriyeyê li dijî Qamişloyê bi rêya balafirên bêmirov zêde kirin, binesazî, saziyên xizmetguzarî, mal û milkên welatiyan kirin armanc, heta dibistan û baxçeyên zarokan jî hatin bombebarankirin.

	&nbsp;

	Desteya Perwerde û Fêrkirinê ya Herêma Bakur û Rojhilatê Sûriyeyê bi daxuyaniyekê aşkera kir ku di encama êrişên dewleta tirk de 712 dibistan ji xizmetê derketin, 89 hezar û 418 xwendekar ji xwendinê mehrûm bûn, dagirkeriyê li kantona Cizîrê 5 dibistan yekser kirine armanc. Her wiha li kantonên Firat, Efrîn û Şehbayê jî xebata perwerdeyê hate sekinandin.

	&nbsp;

	ANHA'yê zirarên bi 3 dibistanên li Qamişloyê bûne şopandin; Dibistana Îbrahîm Henano li taxa Meyselon, Dibistana Lehdo Mesûd li taxa Mehete ya Qedîm (stasyona kevn) û Dibistna Bint Cibêl li taxa Elaya.

	&nbsp;

	Dibistana Lehdo Mesûd hema bi çend metreyan nêzîkî Çapxaneya Sîmav a ku balafira bêmirov bombebaran kiriye, ye. Di encama bombebaranê de gelek odeyên havînê yên dibistanê zirar dîtin, camên pencereyan şikestin û ji xizmetê derket.

	&nbsp;