
Di Nobetên Edaletê de peyama bidawîkirina tecrîdê hat dayin  

2023-12-28 16:23:18


	&nbsp;

	&nbsp;

	AMED/MÊRSÎN - Di çalakiyên Nobeta Edaletê yên li gelek bajaran didomin de hat xwestin ku tecrîda li ser Rêberê PKK’ê Abdullah Ocalan demildest bê rakirin û hat gotin tecrîd sûcê mirovahiyê ye.&nbsp;

	&nbsp;

	Nobetên Edaletê yên di çarçoveya kampanyaya “Ji Abdullah Ocalan re azadî, ji pirsgirêka kurd re çareseriya siyasî” de li Amed û Mêrsînê hatine destpêkirin bi serdanên piştevaniyê didomin.&nbsp;

	&nbsp;

	Amed

	&nbsp;

	Nobeta Edaletê ya Amedê ku bi pêşengtiya Komeleya Piştevaniya bi Malbatên Girtiyan re (TUAY-DER), li avahiya rêxistina Partiya Wekhevî û Demokrasiyê ya Gelan (DEM Partî) ya Rezanê hatiye destpêkirin, di roja 25’emîn de bi serdanên piştevaniyê berdewam kir. Rêveberên MED TUHAD-FED’ê, DEM Partiyê û dayika Cîhan Gokalp ê li Girtîgeha Ewlehiya Bilind a Hejmara 2’yan a Erziromê tê ragirtin, Bîrgul Gokalp tev li bû.&nbsp;

	&nbsp;

	Çalakvanan li eywana ku pankartên “Ji bo avakirina jiyaneke azad em tecrîdê bişikînin û deng bidin zindanan” û “Ji bo edaletê em tecrîdê bişikînin, ji bo aştiyeke civakî em ji zindanan re bibin deng” hate daliqandin” pêşmalkên li ser “Tecrîd sûcê mirovahiyê ye” dinivîsî li xwe kirin.&nbsp;

	&nbsp;

	Di dema çalakî berdewam dikir de Cîhan Gokalp bi telefonê li dayika xwe geriya. Cîhan ê anî ziman ku ji bo rakirina tecrîdê çalakiyê dikin, banga hestiyariyê li herkesê kir û wiha got: “Divê herkes li dora vê çalakiyê bibe xelek. Divê gelê me di rêya birêz Ocalan de bimeşe. Divê gelê kurd xwe nas bike. Cihê çareseriyê diyar e.”

	&nbsp;

	Dayika girtî Cîhan jî wiha got: “Heta ku tecrîd neyê rakirin û zextên li girtîgehan bi dawî nebin dê çalakiya me berdewam bike.”

	&nbsp;

	Çalakî tevahiya rojê bi klamên malbatan gotin û berzkirina dirûşma “Bijî berxwedana zindanan” berdewam kir.&nbsp;

	&nbsp;

	Mêrsîn

	&nbsp;

	Nobeta Edaletê ya li Mêrsînê li avahiya TUAY-DER’a Çûkûrovayê hatiye destpêkirin jî di serî de Meclisa Dayikên Aştiyê bi tevlibûna gel di roja 25’an de berdewam kir. Endama Meclisa Dayikên Aştiyê Şemsa Acar a di nobetê de cih girt wiha axivî: “Armanca me ya ewil a rûniştina me ya li vir Serokê me ye. Heta ku Serok û girtiyên me li wir bin em jî dê li vir vin. Heta ku em bêhnê bistînin em ê piştgiriya wan bikin. Em ê ser bikevin.”

	&nbsp;