Welatiyên Amûdê bi çalakiya konvedanê êriş şermezar kirin 

2023-12-26 16:33:59


	 

	 

	NAVENDA NÛÇEYAN - Ev du roj e welatiyên navçeya Amûdê êrişên li dijî herêmê bi çalakiyeke konvedanê li pêşiya ?kargeha zeytûnê ya ku duh hatibû bombebaran kirin, şermezar dikin. ?

	 

	Kargeha zeytûnê ya li Amûdê di 25`ê mehê de ji aliyê dewleta tirk ve hate ?bombebarankirin. Têkildarî mijarê Însiyatîfa Gel a navçeyê li pêşiya kargehê çalakiyeke konvedanê ya şermezarkirina êrişan veda. Di çalakiyê de bi dehan welatiyên bajarê beşdar bûn. ?

	 

	Di bin konê çalakiyê de endamê Meclisa Malbatên Şehîdan Muhemed Çolî axivî û wiha got: ?" Armanca dewleta tirk a dagirker ji êrişên li dijî bînesaziyên herêmê aşkera ye, lê ew ê tu carî ?bi van êrişan armancên xwe pêk neynin. Ji ber em ê destkeftiyên gelê xwe û yê herêmê ?biparêzin û berxwedana xwe bilind bikin."?

	 

	Çalakiya konvedanê bi şermezarkirina êrişan bi dawî bû.