Li Mêrsîn û Edenê 10 roj in 'Nobeta Edaletê' didome  

2023-12-13 16:06:52


	 

	 

	NAVENDA NÛÇEYAN - Li Mêrsîn û Edenê "Nobeta Edaletê" ya ji bo piştevaniya kampanyaya “Ji Abdullah Ocalan re azadî, ji pirsgirêka kurd re çareserî” hatî destpêkirin bi dirûşma “Ji bo edaletê em tecrîdê bişkînin ji bo aştiyê em bibin dengê zindanan” di roja 10'emîn de didome. 

	 

	Nobeta Edaletê ya di çarçoveya kampanyaya “Ji Abdullah Ocalan re azadî, ji pirsgirêka kurd re çareserî” bi pêşengtiya Komeleya Alîkariya bi Malbatên Girtiyan re (TUAY-DER) a Amedê, Komeleya Alîkarî û Piştevaniyê ya bi Malbatên Girtî û Hikûmxwaran re (TUHAY-DER) ya Wanê, Komeleya Alîkarî û Piştevaniyê ya bi Malbatên Girtî û Hikûmxwaran re ya Çûkûrovayê (Çûkûrova TUAY-DER) û Komeleya Alîkarî û Piştevaniyê ya bi Malbatên Girtî û Hikûmxwaran re ya Akdenîz Edeneyê (AATUHAY-DER) hatiye destpêkirin bi dirûşma “Ji bo edaletê em tecrîdê bişkînin ji bo aştiyê em bibin dengê zindanan” didome.

	 

	Mêrsîn 

	 

	Îro jî gelek kes beşdarî çalakiya Nobeta Edaletê bûn ku li Çûkûrova TUAY-DER’ê tê domandin. Dayikên Aştiyê û nûnerên rêxistina civakî ya sivîl tevlî çalakiyê bûn. Hevserokê TUAY-DER’ê Ergîn Altuntaş girtiyên ku li Girtîgeha Girtî ya Jinan a Tarsûsê di greva birçîbûnê de ne silav kir û banga tevlîbûna çalakiyên nobetê kir.

	 

	Berdevkê Meclîsa Kedê ya Mêrsînê Nûrettîn Ozdemîr destnîşan kir ku polîtîkayên şer û tecrîda li ser Abdullah Ocalan krîzên li welat zêde kiriye û diyar kir ku yek sedemên herî bingehîn a krîza aborî jî tecrîd e.

	 

	Çalakiya nobetê bi stranên dayikan dewam kir.

	 

	Edene 

	 

	Nobeta Edaletê ya li avahiya AATUHAY-DER’ê jî 10 roj in dewam dike. Nûnerên rêxistina civakî ya civakî û partiya siyasî serdana çalakiyê kirin. Di çalakiya li vir de jî mijara esas tecrîd bû.