
Piştî tenduristiya Armita Bauer nebaş bû, veguhastin nexweşxaneyê 

2023-11-21 12:41:10


	&nbsp;

	&nbsp;

	NAVENDA NÛÇEYAN - Desthilata Îranê xwendekara girtî Armîta Bauer piştî ku tenduristiya wê paşde çû veguhast nexweşxaneyê. Armîta ji bo başkirina şert û mercên girtîgehê û pêkanîna mafên xwe yên qanûnî beriya 16 rojan dest bi greva birçîbûnê kiribû.

	&nbsp;

	Xwendekara Beşa Biyolojiya şaneyên Molekular Armîta Bauer ku li Girtîgeha Navendî ya Tebrîzê girtî bû rakirin nexweşxaneyê. Hate hînbûn ku, Armîta Bauer a ku 16 roj berê ji bo başkirina şert û mercên girtîgehê û pêkanîna mafên xwe yên qanûnî dest bi greva birçîbûnê kiribû, piştî ku rewşa wê ya tenduristiyê xera bû, di 19’ê Mijdarê de sewqî nexweşxaneya Girtîgeha Navendî ya Tebrîzê hat kirin.

	&nbsp;

	Hate diyarkirin ku Armîta Bauer piştî ku rayedarên girtîgehê soz dan ku rewşa wê ya hiqûqî û şert û mercên girtîgehê bên lêkolînkirin dawî li greva birçîbûna xwe anî.

	&nbsp;

	Armîta Bauer di 9’ê Cotmehê de ji ber serhildana gel a ku li Îranê û Rojhîlatê destpê kiribû, li ber Zanîngeha Sivîl a Tebrîzê hatibû girtin. Armîta Bauer ku di 8'ê Kanûnê de bi kefaletê ji Girtîgeha Navendî ya Tebrîzê bi awayekî demkî hate berdan, di 21'ê Îlonê de careke din hatibû girtin û wê biribûn Girtîgeha Navendî ya Tebrîzê.

	&nbsp;