
Têkildarî sûcên li dijî jinên Êzidî semîner hat lidarxistin 

2023-11-08 14:21:23


	&nbsp;

	&nbsp;

	NAVENDA NÛÇEYAN - Yekîtiya Jinên Êzidî ya herêma Cizîrê bi boneya 25'ê Mijdarê semînerek da, tê de bal kişand ser sûcên DAIŞ'ê û dewleta Tirk li dijî jinên Êzidî.

	&nbsp;

	Di çarçoveya çalakiyên bi boneya 25'ê Mijdarê (Roja Têkoşîna li dijî Tundiya li ser Jinan) de, Yekîtiya Jinên Êzidî ya herêma Cizîrê têkildarî sûcên qirkirinê yên çeteyên DAIŞ'ê û dewleta Tirk li djiî jinên Êzidî, semînerek da.

	&nbsp;

	Semîner li nivîsgeha yekîtiyê ya li navçeya Tirbespiyê ya girêdayî kantona QamişloYÊ hat lidarxistin. Bi dehan jinên Kurd, Ereb û Suryan beşdarê bûn.

	&nbsp;

	Piştî rêzgirtinê, endama Koordînasyona Yekîtiya Jinên Êzidî ya herêma Cizîrê Hedye Şemo bal kişand ser tundiya li dijî jinan tê meşandin.

	&nbsp;

	Hediye anî ziman ku jinên Êzidî bi hemû rengên tundiyê re rû bi rû hatine û wiha dewam kir: “Nexasim di dema êrişa çeteyên DAIŞ'ê ya 2014'an de, civaka Êzidî bi qirkirina komî re rû bi rû ma. Ev qirkirin yek ji 74 fermanên li dijî Êzidiyan rabûne bû.”

	&nbsp;

	Hediye, bal kişand ser sûcên dewleta Tirk û komên girêdayî wê li dijî jinên Êzidî, bi taybet di dema êrişa dagirkeriyê ya li dijî Efrînê (2018) de.

	&nbsp;

	Hediye diyar kir ku ji bo sekinandina li hember siyasetên qirkirinê, jinên Êzidî yên Bakur û Rojhilatê Sûriyeyê xwe bi rêxistin kirine.

	&nbsp;