
PENa Kurd: Li dijî cezakirina mamosteyên zimanê kurdî bisekinin ! 

2023-10-28 11:07:52


	&nbsp;

	&nbsp;

	&nbsp;

	NAVENDA NÛÇEYAN - Komîteya Birêvebir a Giştî ya Navenda PENa Kurd têkildarî cezakirina mamosteyên zimanê kurdî ya ji aliyê Rejîma Îranê ve diyar kir ku ew ê heta dawiyê mafê zimanê dayikê biparêze û got:"Li dijî cezakirina mamosteyên zimanê kurdî bisekinin!"

	&nbsp;

	Komîteya Birêvebir a Giştî ya Navenda PENa Kurd têkildarî mijarê daxuyaniya nivîskî da. Di daxuyaniyê de banga ji bo piştevaniya zimanê kurdî hat kirin.&nbsp;

	&nbsp;

	Di dewamiya daxuyaniyê de wiha hat gotin:

	&nbsp;

	"Di berdewamiya siyaseta bişaftin û milîtarîzekirina Rojhilatê Kurdistanê ya ji aliyê rejîma Komara Îslamê ya Îranê ve û pêkûtiya vê siyasetê ya bi taybetî piştî pêla serhildanên li Rojhilatê Kurdistanê û seranserê Îranê ku wek şoreşa Jînayê ango şoreşa “Jin, Jiyan, Azadî” tê naskirin, rê li ber rejîmê vekir ku tundî û zordestiya xwe zêdetir bike û ev yek bû sedema girtin, kuştin û derketina ji welêt a bi hezaran sîvîl, nivîskar û çalakvanên sîvîl. Tevî hemû zext û zordestiyan bi rihê şoreşa "Jin jiyan azadî" têkoşîna gel a li dijî Rejîma Îranê dewam dike.&nbsp;

	&nbsp;

	Herî dawiyê Dadgeha Şoreşê ya bajarê Sinê 20 sal cezayê girtîgehê &nbsp;bi awayê taloqkirî da du çalakvanên Kurdî û endamên Desteya Rêveberiya Encumena Nûjînê, Sirwe Pûrmuhemedî û Îdrîs Mênberî.&nbsp;

	&nbsp;

	Di salên borî de jî endam û mamosteya zimanê Kurdî ya vê encumenê, Zara Mihemedî di 2’yê Pûşpera 2019’an de û çendîn carên din hatibû girtin û dadgehkirin û herî dawiyê 10 sal cezayê girtîgehê lê hatibû birîn.&nbsp;

	&nbsp;

	Em wek Navenda PENa Kurd, ku parastina zimanê dayikê yek ji erkên me yên sereke ye, radigihînin ku cihê mamosteyên zimanê dayikê girtîgeh nîn e. Her wiha em radihgihînin ku lazim e hemû sazî û navendên nivîskarên cîhanê û parêzvanên zimanê dayikê piştevaniya me bikin da bi ragihandina kampanyayeke navneteweyî piştevaniya hemû mamoste û kedkarên zimanê dayikê bikin. Em wekî PENa Kurd, li dijî cezakirina mamosteyên zimanê kurdî disekinin. Werin em bi hev re li dijî cezakirina mamosteyên zimanê kurdî bisekinin ! Axaftin û perwerdeya bi zimanê dayikê mafekî rewa ye. Em ê heta dawiyê vî mafî biparêzin û kesên vî mafê me yê rewa asteng dikin, bisekinin. "

	&nbsp;

	&nbsp;

	&nbsp;

	&nbsp;