
26'ê Cotmeha 2016'an: Parlamenterên HDP'ê li dijî polîsan bûn mertal 

2023-10-26 09:01:19


	&nbsp;

	&nbsp;

	Di 26’ê Cotmeha 2016’an de li dijî tayînkirina qeyûm a Şaredariya Bajarê Mezin a Amedê li ber şaredariyê çalakiyek hate lidarxistin. Parlamenterên HDP'ê li hemberî polîsên ku di dema çalakiyê de êrîşî gel kirin bûn mertal.

	&nbsp;

	Di 26'ê cotmeha 2016'an de hevşaderên Şaredariya Bajarê Mezin a Amedê Gultan Kişanak û Firat Anli hatin binçavkirin û şêniyên Amedê û parlamenterên HDP'ê li ber şaredariyê dest bi nobetê kirin. Li dijî êrîşên polîsan parlamenterên HDP'ê ji gel re bûn mertal. Wêneyên parlamenter Besîme Konca û Feleknas Uca di bîra hemû kesan de ma.&nbsp;

	&nbsp;

	Hin bûyerên din ên girîng ku îro di dîrokê de qewimîne wiha ne:

	&nbsp;

	2015: Meclîsa Jinan a Bajêr li navçeya Serava Wanê li dijî şer û zîhniyeta serdest banga têkoşînê kirin.&nbsp;

	&nbsp;

	2015: Meclîsa Dayikên Aştiyê ya Colemêrgê ji bo bangewaziya KCK'ê ya ku îlankirina rawestandina çalakiyan, bang li dewletê kir û xwestin şer û pevçûn bên bidawîkirin.&nbsp;

	&nbsp;

	2018: Weqfa Medyayê ya Jinê ya Navneteweyî (IWMF) Xelata Wêrektiyê ya Rojnamegeriyê ya 2018'an da wênesaz Zehra Dogan.&nbsp;

	&nbsp;

	2019: Li 21 bajarê herêmê 353 rêxistinên civaka sîvîl li Amedê hatin gel hevdu û deklarasyona "Li dijî şer aştî" eşkere kir.&nbsp;

	&nbsp;

	2020: Li Gundê Solaxê yê Şengalê gora komî ya tê texmînkirin zarok û jin tê de ne hat dîtin.&nbsp;

	&nbsp;

	&nbsp;