
‘Kesên ku şer bidin sekinandin gelên bindest û kedkar in’  

2023-10-19 14:33:49


	&nbsp;

	&nbsp;

	&nbsp;

	RIHA - Pêkhateyên Platforma Ked û Demokrasiyê ya Rihayê bi daxuyaniyekê bertek nîşanî êrişên li dijî Bakur û Rojhilatê Sûriyeyê û Filistînê dan û daxwazên xwe yên aştiyê qîr kirin.&nbsp;

	&nbsp;

	Êrişên li dijî Bakur û Rojhilatê Sûriyeyê û Filistînê li Rihayê bi daxuyaniyekê hatin şermezarkirin. Pêkhateyên Platforma Ked û Demokrasiyê ji bo bertekên xwe nîşan bidin li ber Navenda Kar a Ahmet Bahçivan a li navçeya Halîliyeyê hatin ba hev. Endam û rêveberên Haber-Sen’ê, Partiya Demokrasî û Wekheviyê ya Gelan (HEDEP) û Partiya Herêmên Demokratîk (DBP) ên navend û navçeyan jî tev li bûn. Di daxuyaniya pankarta bi kurdî, erebî û tirkî li ser “Riha aştiyê dixwaze” dinivîsî de Berdevkê Demê yê Platformê Kemal Yuksekkaya axivî û wiha got: “Em li ser erdnîgariya xwe û cîhana xwe aştiyê dixwazin.”

	&nbsp;

	Di daxuyaniyê hat, diyarkirin ku li ser erdnîgariyên Kafkasya, Rojhilata Navîn û Kurdistanê rewşa şer ya heyî bi awayekî bifikar temaşe dikin û wiha hat berdewamkirin: “Di 6’ê cotmehê de Wezareta Parastinê ragihand ku li dijî Bakur û Rojhilatê Sûriyeyê êrişeke hewayî dane destpêkirin. Di êrişên hewayî de sivîlan jiyana xwe ji dest dan û birîndar bûn, qadên jîngehên sivîl hatin bombebarankirin. Vê yekê di çapemeniyê de jî cih girt.”

	&nbsp;

	‘Şer pirsgirêkeke tenduristiyê ya gel e’&nbsp;

	&nbsp;

	Her wiha di daxuyaniyê de hat gotin ku êrişên Îsraîlê yên li dijî Filistînê hatine asta qirkirinê û wiha dewam kir: “Bombekirina nexweşxaneyan û astengkirina mafê tedawiyê ya kesên tedawî dibin li dijî Peymana Cenevreyê û rêgezên hiqûqa şer in. Beriya du rojan li Meclisê tezkere hate îmzekirin. Em ji ber êrişên hewayî yên li dijî bakurê Sûriyeyê zêde dibin û daxuyaniyên tên dayîn bi fikarin ku welatê me ber bi şerekî berfireh ve diçe. Şer, birçîtî, xizanî, koç, mirin, talana xwezayê û hêsrên çavan e. Em ji ber vê yekê dibêjin ‘şer pirsgirêkeke tenduristiyê ya gel e’.”

	&nbsp;

	‘Kesên ku şer bidin sekinandin gelên bindest û kedkar in’&nbsp;

	&nbsp;

	Di daxuyaniyê de, hat destnîşankirin ku dewlet dê di bin navê “berjewendiyên netewî” de pêşiyên pergala kapîtalîst û sermayeyê li ber çavan bigirin û li gorî vê yekê helwestekê nîşan bidin û axaftina xwe wiha bi dawî kir: “Dê ji bo xespa mafên hatine bidestxistin û nirxên demokratîk veguherînin firsendekê. Tişta pêk tê jî ev e. Kesên ku şer bidin sekinandin gelên bindest û kedkar in. Ji bo em xwedî li jiyan, pêşeroj û keda xwe derkevin em têkoşîna xwe ya aştiyê bilind bikin. Divê demildest şer bên sekinandin, di bin banê peyman û hiqûqên navnetewî de hemû pirsgirêk bi diyalog û muzakereyan çareser bibin. Cîhaneke aligirê jiyan û aştiyê pêkan e. Tu kes bi şer sernakeve û bi aştiyê winda nake.”

	&nbsp;

	Daxuyanî bi dirûşmeya “Ji şer re na, bila aştî demildest pêk bê” bi dawî bû.&nbsp;