
Daxwaza rawestandina darizandina Halîde Turkoglu hat redkirin 

2023-10-11 14:45:04


	&nbsp;

	&nbsp;

	AMED - Daxwaza rawestandina darizandina parlamentera Partiya Çep a Kesk Halîde Turkoglu a ji ber ku parlamenter e hat redkirin.

	&nbsp;

	Ji ber endamtiya Komeleya Lêkolîn û Pêşvebirina zimanê Kurdî (KURDÎ-DER) ku bi Biryarnameya di Hukmê Qanûnê de (KHK) hatibû girtin û Kongreya Jinên Azad (KJA), bi îdiaya “endamtiya rêxistinê” doz li Parlamentera Partiya Çep a Kesk a Amedê Halîde Turkoglû hatibû vekirin. Danişîna nû ya dozê hate lidarxistin. Doz, di sala 2017’an de hate vekirin û piştî ku biryara cezayê 6 sal û 3 mehan hate xerakirin, doz careke din li 9’emîn Dadgeha Cezayên Giran a Amedê hate lidarxistin. Halîde tevli danişînê nebû lê parêzerê wê Mehdî Ozdemîr di dozê de amade bû.&nbsp;

	&nbsp;

	Mehdî, da zanîn ku miwekîla wî di hilbijartinên sala 2023’yan de parlamenter hatiye hilbijartin û parêzbendiya wê heye û xwest ku darizandina wê bê rawestandin. Bi domdarî Mehdî got ku ji ber biryara qedexeya derketina derveyî welat, miwekîla wî nikare di çarçoveya xebatên qanûnsaziyê de biçe derveyî welat û xwest ku biryara qedexeya derketina derveyî welat û kontrola edlî bên betalkirin.&nbsp;

	&nbsp;

	Şandeya dadgehê daxwaza rawestandina darizandinê û kontrola edlî red kir. Dadgehê biryar da ku ji bo were zanîn bê ka Halîde parlamenter e yan na, ji Meclisê re nivîs were nivîsandin û xwe li benda bersiva wê bigirin.&nbsp;

	&nbsp;

	Danişîna dozê taloqî 6’ê Kanûnê hate kirin.&nbsp;