
Li Mêrdînê cenazeyek hat teşhîskirin 

2023-10-11 14:35:53


	&nbsp;

	&nbsp;

	MÊRDÎN - Nasnameya endamekî HPG’ê ku di pevçûna li çolterê Omeriyayê jiyana xwe ji dest dabû hate teşhîskirin. Ji bo teşhîskirina cenazeyê din, malbatê mînaka xwînê da.&nbsp;

	&nbsp;

	Artêşa dewleta tirk duh li gundê Cinata yê Herêma Omariya ya Nisêbîna Mêrdînê operasyona leşkerî dabû destpêkirin û piştre li herêmê pevçûn derket. Di pevçûnê de 2 kesan jiyana xwe ji dest dan û cenazeyên wan şeva din anîn Morga Nexweşxaneya Perwerde û Lêkolînê ya Mêrdînê. Li ser agahdarkirina polîsan, du malbat ji bo teşhîskirina cenazeyan hatin Mêrdînê. Hat zanîn ku yek ji cenazeyan ê endamê HPG’ê Bîlal Şahîn e û malbata wî li morgê cenaze teşhîs kir.&nbsp;

	&nbsp;

	Malbata Bîlal dê cenazeyê zarokê xwe di saetên êvarê de teslîm bigire û li Goristana Qamişlo ya navçeya Bismil a Amedê defin bike.&nbsp;

	&nbsp;

	Hat zanîn ku cenazeyê din jî yê endamê HPG’ê Ramazan Temel (Nûrhak Dêrik) e. Malbata Ramazan a ku li navçeya Wêranşar a Rihayê dijî, ji bo teşhîsê hate Mêrdînê. Lê belê malbatê nekarî cenaze teşhîs bike. Malbata ku kirariyên li dozgeriyê temam kir, çû Nexweşxaneya Perwerde û Lêkolînê ya Mêrdînê û ji bo testa DNA’yê mînaka xwînê da.&nbsp;

	&nbsp;

	Li gorî agahiyan, operasyona leşkerî ya li Herêma Omeriya û Bagokê berdewam dike.&nbsp;