Înfaza Jiyan Ateş a girtî cara 5'an hat taloqkirin 

2023-10-06 11:43:01


	 

	 

	ENQERE - Înfaza Jiyan Ateş a li Girtîgeha Jinan a Sîncanê girtî ye, ji aliyê Lijneya Çavdêrî û Îdareyê ve, cara 5'an hat taloqkirin.

	 

	Bi îddiaya "endamtiya rêxistinê" 12 sal û 9 meh ceza li Jiyan Ateş hatibû birîn û li Girtîgeha Jinan a Sîncanê tê girtin. Tevî di 27'ê Cotmeha 2021'ê de cezayê wê qediyaye jî nayê tehliyekirin. Bi awayekî kêfî berdana wê hat taloqkirin. 

	 

	6 mehên din jî hat dirêjkirin

	 

	Di hefteyên borî de Lijneya Çavdêrî û Îdareyê dîsa kom bû û tehliyekirina Jiyanê 6 mehan dirêj kir. Me bi xwişka wê Pinar Ateş re hevdîtina telefonê kir. Pinarê di hevdîtina telefonê de diyar kir ku Jiyanê gotiye ji ber wê negotiye ez poşman im û derbasî qawişa azad nebûye loma berdana wê taloq kirine. 

	 

	Înfaza Jiyanê cara 5'an hat taloqkirin.