
Li Îzmîrê jinek ji hêla polîsekî ve hat qetilkirin 

2023-10-03 11:03:50


	&nbsp;

	&nbsp;

	&nbsp;

	ÎZMÎR - Polîsê bi navê A.E.O. ku li Midûriyeta Emniyetê ya Konakê dixebite, jina bi navê Elvîn Ozutaştan qetil kir û kesê bi navê Fehmî Kaan Berberoglû jî bi giranî birîndar kir.

	&nbsp;

	Polîsê bi navê A.E.O. ku li Midûriyeta Emniyetê ya Navçeya Konak a Îzmîrê dixebite, li naverasta kolanê bi çekê êrişî Hîndekara Dibistana Bilind a Pîşeyî ya Somayê ya Zanîngeha Celal Bayar a Manîsayê Elvîn Ozutaştan û kesê bi navê Fehmî Kaan Berberoglû kir. Di encama êrişê de Elvîn û Fehmî bi giranî birîndar bûn. Komên tenduristiyê yên li cihê bûyerê hatin veguhestin, piştî mudaxileya ewilî, birîndar rakirin Nexweşxaneya Perwerde û Lêkolînê ya Ataturkê ya Îzmîrê. Tevî hewldanan jî Elvîn jiyana xwe ji dest da.&nbsp;

	&nbsp;

	Tedawiya Fehmî berdewam dike û hat zanîn ku rewşa wî giran e.&nbsp;

	&nbsp;

	Polîsê êrişkar A.E.O. jî piştî êrişê reviya û hêj nehatiye girtin.&nbsp;

	&nbsp;