
Astengkirina Dayikên Şemiyê hat şermezarkirin 

2023-09-09 16:06:57


	&nbsp;

	&nbsp;

	&nbsp;

	NAVENDA NÛÇEYAN - Şaxên ÎHD’ê binçavkirin û astengkirina çalakiya Dayikên Şemiyê şermezar kirin û gotin:"Em ê li dijî vê feraseta ku bi pêkanînên keyfî armanc dike civakê bitepisîne serî netewînin. Em ê dest ji hezkiriyên xwe yên ji aliyê hêzên dewletê ve hatine binçavkirin û windakirin bernadin. Ji bo xwe bigihînin windayan û edaletê em ê israr bikin ku hemû derfetên xwe bi kar bînin."

	&nbsp;

	Dayikên Şemiyê û Mirovên Şemiyê yên her hefte bi daxwaza aqûbeta windakiriyên xwe bipirsin û faîl bên darizandin li Qada Galatasarayê tên cem bahev çalakiya xwe ya 963’yemîn li dar xistin. Tevî ku Dadgeha Destûra Bingehîn (AYM) biryara “binpêkirinê” daye jî 23 hefte ye çalakiya Dayikên Şemiyê bi hinceta biryara “qedexe” ya Qeymeqamtiya Beyoglûyê tê astengkirin. Şaxên Komeleya Mafên Mirovan (ÎHD) li gelek bajaran bi daxuyaniyan astengkirina Dayikên Şemiyê şermezar kirin.

	&nbsp;

	Riha

	&nbsp;

	Şaxa Komeleya Mafê Mirovan (ÎHD) a Rihayê ji bo piştgiriya çalakiya Dayikên Şemiyê li avahiya xwe daxuyanî dan. Di daxuyaniyê de pankarta ku li ser, “Em dev ji lêgerîna windayên xwe, ji Qada Galatasarayê û daxwaza xwe ya edaletê bernadin” dinivîsî hat daliqandin. Parazvanên mafên mirovan û nûnerên saziyên sivîl jî tev li daxuyaniyê bûn.&nbsp;

	&nbsp;

	Hevserokê Şaxa ÎHD’a Rihayê Îsmaîl Tûtal ku metna daxuyaniyê xwend bal kişand ser binçavkirina Dayikên/Mirovên Şemiyê û wiha got: “Çalakî û meş mafekî qanûnî ye. Lê mafê dayikên şemiyê yê çalakiyê tê binpêkirin. &nbsp;Astengkirina dayikên şemiyê yek jî binpêkirina mafan e. Em ji Wezîrê Dadê ku dozger giradayî wî ne û Wezareta Karên Hûndirîn ku polîs giredayî wî ne dipirsin tevî ku delîlên sûc pêk nehatinê hûn çi ma Dayikên Şemiyê binçav dikin? &nbsp;Lê em li dijî van êrişan dev jî têkoşîna xwe ya edaletê bernedin. Em Kenan Bîlgîn ku di 12’ê Îlonê 1994’an de li Enqerê hat binçavkirin û piştrê jî hat windakirin û hemû windayên xwe ji bîr nakin.”

	&nbsp;

	Edene

	&nbsp;

	Şaxa ÎHD’a Edeneyê, bi armanca piştgiriya Dayikên Şemiyê li avahiya komeleya xwe civîna çapemeniyê li dar xistin. Di daxuyaniyê de metne daxuyaniya çapemeniyê yê hevpar Sekretera Şaxa ÎHD’a Edeneyê Havîn Olmez xwend.&nbsp;

	&nbsp;

	Havîn, bal kişand ser astengkirin û binçavkirina Dayikên Şemiyê û wiha got: “Em ê li dijî vê feraseta ku bi pêkanînên keyfî armanc dike civakê bitepisîne serî netewînin. Em ê dest ji hezkiriyên xwe yên ji aliyê hêzên dewletê ve hatine binçavkirin û windakirin bernadin. Ji bo xwe bigihînin windayan û edaletê em ê israr bikin ku hemû derfetên xwe bi kar bînin.”

	&nbsp;

	Havîn, diyar kir ku dê Kenan Bîlgîn ê di 12’ê îlona 1994’an de hate binçavkirin û windakirin û dosyaya wî hate girtin û hemû windakiriyan ji bîr nakin.&nbsp;

	&nbsp;

	Şaxên ÎHD’ê yên Şirnex, Mêrsîn û Îzmîrê jî bi daxuyaniyeke hevpar astengkirin û binçavkirina Dayikên Şemiyê şermezar kirin.&nbsp;

	&nbsp;

	&nbsp;