
Li Londonê tecrîd hat  protestokirin 

2023-09-07 22:01:23


	&nbsp;

	NAVENDA NÛÇEYAN-Tecrîda li ser Rêberê PKK’ê Abdullah Ocalan li ber avahiya Wezareta Karên Derve ya Îngilîstanê hate protestokirin.

	&nbsp;

	Meclîsa Gelê Kurd a Londonê bi armanca şermezarkirina tecrîda li ser Rêberê PKK’ê Abdullah Ocalan li ber Wezareta Karên Derve ya Îngilîstanê çalakî li dar xist. Endamên Tevgera Ciwanên Şoreşer ên Îngilîstanê (TCŞ) û Meclîsa Jinê ya Jiyan tevlî çalakiyê bûn û pankartên ku tecrîda Îmraliyê şermezar dike, hatin hilgirtin.

	&nbsp;

	Hevserokê Meclîsa Gelê Kurd a Îngilîstanê Aso Kamalî axaftinek kir. Aso Kamalî destnîşan kir ku dewleta Tirk û AKP tecrîda li ser Abdullah Ocalan bi awayekî giran didomîne û got bi tecrîdê Rojhilata Navîn veguherandine gola xwînê.

	&nbsp;

	Aso Kamalî û Hevserokê Meclîsa Gelê Kurd a Londonê Turkan Bûdak bi rayedarekî wezaretê re hevdîtin pêk anîn. Rayedarê wezaretê diyar kir ku wan beriya niha dosyaya bêhiqûqiya li ser Abdullah Ocalan û rola wî ya di aştiya Rojhilata Navîn de nirxandine û haya wan ji fikarên Kurdan heye. Rayedar da zanîn ku piştî lêkolîn û hevdîtinan ewê Meclîsa Gelê &nbsp;Kurd agahdar bikin.&nbsp;

	&nbsp;

	Piştî hevdîtinê çalakî bi çepik û dirûşmeyan bi dawî bû.

	&nbsp;