
Li 13 gundên Farqînê 3 roj in ceyran tûneye

2023-08-27 21:43:22


	&nbsp;

	AMED - Li 13 gund û mezrayên Farqînê 3 roj in ceyran hatiye qutkirin û gel bê ceyran mane.

	&nbsp;

	Li gund û mezrayên Baxçecik, Çekiya, Mireliyan, Zoravaya Kevn, Zoravaya Nû, Dida, Kurêşa, Bag, Tepebaşi, Çukurkayank, Yeşîl Bahçe, Kaniya Gula û Huseyna yên bi ser navçeya Farqînê ya Amedê ve 3 roj in Şirketa Belavkirina Ceyranê ya Dîcleyê (DEDAŞ) ceyranê biriye. Ji ber ceyran hatiye qutkirin xelkê gundan nikarin pêdiviyên xwe rojane pêk bîne.

	&nbsp;

	Parlamentera Partiya Çep a Kesk a Amedê Adalet Kaya û şandeya pê re serdana gundan kirin. Adalet û rêveberên partiyê li gundan geriyan û li pirsgirêka ceyranê ya xelkên gundan guhdar kirin. &nbsp;

	&nbsp;

	Adalet di serdana gundan de axivî û anî ziman ku ji bo çareseriyê ew li benda bersiva rayedaran in û ew ê heta dawiyê meseleya qutkirina ceyrana gundan bişopînin.

	&nbsp;