
Di çalakiya Dayikên Şemiyê de 21 kes hatin binçavkirin 

2023-08-19 12:37:33


	&nbsp;

	
		&nbsp;
	
		STENBOL - Dayikên Şemiyê ku “qedexeya” Qeymeqamiya Beyoglûyê nas nakin xwestin di hefteya 960’emîn de li Qada Galatasarayê çalakiya xwe li dar bixin lê polîsan dîsa êrişî çalakvanan kir. 21 kes hatin binçavkirin.
	
		&nbsp;
	
		Dayikên Şemiyê/Mirovên Şemiyê bi daxwaza li aqûbeta windayan bipirsin û faîl bên darizandin di hefteya 960’emîn de li Qada Galatasarayê kom bûn û çalakiya xwe domandin. Dayikên Şemiyê û parêzvanên mafên mirovan di Cadeya Îstîklalê de bi qerenfîlên di destên xwe de heta Qada Galatasarayê meşiyan. Wek her hefteyê polîsan li ser daxwaziya Qeymeqamiya Beyoglûyê “qedexe” hincet nîşan da û çalakiyê asteng dike. Dayikên Şemiyê û parêzvanên mafên mirovan li ser Cadeya Îstîklalê ji aliyê polîsan ve hatin dorpêçkirin. Tevî hemû astengî û dorpêçan jî Dayikên Şemiyê meşiyan.&nbsp;
	
		&nbsp;
	
		Hevberdevkê Kongreya Demokratîk a Gelan (HDK) Cengîz Çîçek, Parlamenterê Partiya Demokratîk a Gelan (HDP) yê berê Mûsa Pîroglû jî piştgirî dan Dayikên Şemiyê.&nbsp;
	
		&nbsp;
	
		Rojnamevanên xwestin dîmen û wêneyan bigirin jî ji aliyê polîsan ve hatin astengkirin û ji cihê çalakiyê hatin dûrkirin.&nbsp;
	
		&nbsp;
	
		Tevî biryara ku Dadgeha Destûra Bingehîn derbarê çalakiya Dayikên Şemiyê de wek “binpêkirinê” daye jî lê dîsa polîsan mudaxile kir û gelek Mirovên Şemiyê destê wan ji pişt ve kelemçe kirin û xistin binçavan. Polîsan heqaret li Mirovên Şemiyê kirin.&nbsp;
	
		&nbsp;
	
		Gelek welatiyên derdorê nerazîbûn nîşanî astengiya polîsan dan. Welatiyên xwestin dîmen û wêneyan bi telefona xwe astengiyê bigirin jî ji aliyê polîsan ve hatin astengkirin.&nbsp;
	
		&nbsp;
	
		Polîsan Mirovên Şemiyê li wesayîtên binçavkirinê siwar kirin û bi lez û bez birin emniyetê. Hat zanîn ku 21 kes hatine binçavkirin.&nbsp;
	
		&nbsp;


	&nbsp;