
Gultan Kişanak ji bo merasîma cenazeyê xwîşka xwe anîn Xarpêtê 

2023-08-09 11:30:23


	&nbsp;

	&nbsp;

	XARPÊT - Siyasetmedara kurd Gultan Kişanak ku li Girtîgeha Tîpa F a bi Ewlekariya Bilind a Kandirayê tê ragirtin, ji bo tev li merasîma definkirina cenazeyê xwîşka xwe bibe anîn Xarpêtê. Gultan, tev li merasîma cenazeyê ya li cemxaneyê bû.&nbsp;

	&nbsp;

	Siyasetmedara kurd û Hevşaredara Bajarê Mezin a Amedê ya berê Gultan Kişanak ku li Girtîgeha Tîpa F a bi Ewlekariya Bilind a Kandirayê tê ragirtin, tev li merasîma definkirina cenazeyê xwîşka xwe Zeynep Ozer bû ku ji ber nexweşiya gurçikan ev demek bû tedawî didît û duh li nexweşxaneyê jiyana xwe ji dest dabû.&nbsp;

	&nbsp;

	Gultan, bi balafirê ji Kandirayê anîn Balafirgeha Xarpêtê û ji vir jî derbasî Cemxaneya Ehlî Beyt a li Taxa Fevzî Çakmak a navenda Xarpêtê. Parlamentera Partiya Çepên Kesk a Dêrsimê Ayten Kordu û Alîcan Onlu yê HDP’î jî tev li merasîmê bûn. Gulten ku tev li merasîma cenazeyê ya li cemxaneyê bû, li vir sersaxî qebûl kir.&nbsp;

	&nbsp;

	Piştî merasîma li cemxaneyê, dê xwîşka Gultan li gundê Sûn ê Xarpêtê bê definkirin.&nbsp;

	&nbsp;

	Tê payîn ku Gultan tev li merasîma definkirina cenazeyê jî bibe.&nbsp;