Jinên êzidî bi meşekê piştgirî dan jinên efgan 

2023-08-08 09:54:34


	 

	 

	NAVENDA NÛÇEYAN - Piştgiriya jinan ya ji bo jinên Efgan roj bi roj zêde dibe, divê çarçoveyê de jinên êzidî bi meşekê piştgirî dan jinên Efganîstanê.

	 

	Di bin dirûşmeya "Bi Têkoşîna Jin Tola 74 Fermanan Hilînin" Tevgera Azadiya Jinên Êzidî (TAJÊ) bi meşek piştgiriya xwe a bi jinên Efganistanê re nîşandan. Di meşê de jinên êzidî dan diyakirin ku çawa DAIŞ’ê bi hemû hovîtiya xwe nikaribû jinên êzidî tine bike, ew ê li tu cihekî desthiladar nikaribe jinan tine bike.”

	 

	Meşa TAJÊ li ber meclisa gel a nehiya Sinûnê dest pê kir, di meşa ku bi sedan jinên êzidî û ereb beşdarbûn de posterên Rêberê PKK'ê Abdulla Ocalan û alên rêxstinên jinan hatine hildan. Her wiha meşê bi dirûşmeyên ‘Jin Jiyan Azadî’ hatin berzkirin û meş heya çerxerêya Mam Zekî dewam kir. Li vir daxuyanî ji hêla endama TAJÊ Şemê Remo ve hate xwendin. 

	 

	Di daxuyaniyê hate gotin: 

	 

	“Ev meşa me li diîjî zilm û zordariyê ye ku çawa di 3’yê Tebaxê de keç û jinên êzidiyan revandin, qetilkirin û destdirêjî liser wan kirin, wek jinên êzidî li ku derê jin rastî zilmê bê û taybet jinên ku di dema fermanê de li dijî zilma li me hatiye kirin dengê xwe bilind kiribin, em jî destek didin wan û li kêleka wan disekinin.

	 

	Em dibînin niha ji aliyê rêxistina terorîst a Talîbanê ve çawa DAIŞ’ê zilm li jinan kir, bi heman şêwazî zilm li jinên Efganistanê tê kirin. Êşa me hemû jinan yeke û pêwîste em dijî desthilatdariyê bibin yek. Ev desthilatdariya ku dixwaze jinê tine bike, wê bi dirûşmeya ‘Jin, Jiyan, Azadî’ wê biçe û jin wê serbikeve. Çawa DAIŞ’ê bi hemû hovîtiya xwe nikaribû jina Êzidî tine bike, wê desthiladarî nikaribe li yek cihek din jî jinan tine bike.”

	 

	Meş bi dirûşmeyên "Bijî Serok Apo" û "Jin, jiyan, azadî" dawî bû.