Jiyana girtiyê nexweş di xetereyê de ye 

2023-07-29 15:55:02


	 

	STENBOL - Endama Komîsyona Girtîgehan a Şaxa ÎHD’a Stenbolê Meryem Bars diyar kir ku berdana girtiyê nexweşê giran Abdûlkadîr Kûday hate astengkirin û bang hate kirin ku Abdûlkadîr demildest bê berdan. 

	 

	Komîsyona Girtîgehan a Şaxa Komeleya Mafên Mirovan (ÎHD) a Stenbolê 592’yemîn çalakiya xwe ya “Rûniştina F” ku her hefte li dar dixin li ber avahiya komeleya xwe pêk anî. Di rûniştina vê hefteyê de bal kişandin ser rewşa girtiyê nexweş Abdûlkadîr Kûday ê li Girtîgeha Tîpa R a Metrîsê tê ragirtin. Di çalakiya ku pankartên “Tedawî maf e nikare bê astengkirin” û “Bila girtiyê nexweş Abdûlkadîr Kûday demildest bê berdan” de dirûşmeyên “Tecrîd dikuje, piştevanî dide jiyîn” û “Tecrîd dikuje piştevanî dide jiyîn” hatin berzkirin. Gelek parazvanên mafên mirovan piştgiriya çalakiyê kirin. 

	 

	Endama Komîsyona Girtîgehan a Şaxa ÎHD’a Stenbolê Meryem Bars ku daxuyanî xwend, da zanîn ku gelek nexweşiyên Abdûlkadîr hene û qala nexweşiyên Abdûlkadîr pê ketine kir. Bars, destnîşan kir ku girtiyê nexweşê giran Kûday divê demildest bê berdan. Bars, agahiyên ku malbat û parêzerên Meryem ji wan re parvekirin vegot û anî ziman ku Abdûlkadîr sewqî nexweşxaneyê nehatiye kirin û sewqkirina wî ya nexweşxaneyê gelekî dom dirêje. 

	 

	Bal kişandin ser jiyana Abdûlkadîr

	 

	Meryem, diyar kir ku berdana Abdûlkadîr hate astengkirin û wiha berdewam kir: “Bûye 45 kîlo û tenê dikare mamayan bixwe. Ji ber vê yekê di 18’ê tîrmehê de dîsa ji bo taloqkirina înfaza wî serlêdan hatiye kirin lê ji serlêdanê re hêj tu bersiv nehatine dayîn. Malbata Kûday ê jiyana wî di bin xetereyê de ye ji bo Kûday tedawî bibe û lê binêrin dixwaze biryara taloqkirina înfaza wî bê dayîn û ji ber vê yekê daxwaza alîkariyê dike.”