Li Xîzanê operasyon: Xweza tê talankirin  

2023-07-26 11:46:26


	 

	Rojda Aydin

	 

	BEDLÎS - Di çarçoveya operasyonên ku li Xîzanê berdewam dikin de ji bo çêkirina nêzî 1 kîlometre rêya maşîneyên leşkerî darên fisteqan ên welatiyan hatin birîn. Di heman demê de ji ber operasyona li herêmê gelek dar şewitîn.

	 

	Waliyê Betlîsê ku di 2’yê tîrmehê de li gundên girêdayî navçeya Xîzanê yên Hûzeran, Akûnis, Govan, Lanîlan, Xûlepûr, Kekulan, Sûreh, Pertawan, Kuran û Mezra Pisyan qedexeya derketina derve îlan kiribû û bi qedexeyê ve li herêmê operasyon hatibû destpêkirin. Qedexeya ku di 6’ê tîrmehê de bi dawî bû operasyon jî bi dawî bûbû.

	 

	Li herêmê binpêkirin berdewam dikin

	 

	Di heman demê de piştî operasyonê hefteyek şûnde Waliyê Betlîsê carekedin gundên Xûlepûr û Kelulan jî navê de li herêmê bi awayek berfireh carekedin 15 rojan “Herêmên Ewlehiyê yên Herêmê” îlan kir. Di navbera 14’ê tîrmehê û 28’ê tîrmehê de qedexeya ku hat îlankirin de operasyon hîn berdewam dike. Binpêkirinên ji ber operasyona li Xîzanê ya ku ji aliyê walîtiyê ve cara duyemîn hatiye qedexekirin, dewam dike.

	 

	Ji bo operasyonê rê hat çekirin, dar hatin birîn

	 

	Hat diyarkirin ku li herêma ku operasyon dewam dike, li gundên derdorê li 3 cihên cuda noqteyên leşkerî hatine avakirin. Gundiyên ku me xwe gihand wan, anîn ziman ku roja ewilî nêzî 20 rojan ji ber operasyonê leşkeran darên findiqan ên welatiyan ji aliyê leşkeran ve hatine birîn. Di heman demê de hat gotin ku li gundê Xûlepûrê darên fistiqan ên du welatiyan bi temamî hatine birîn û gelek darên fistiqan ên welatiyên din jî di dema çêkirina rê de zirarê dîtine. Li gor agahiyê ku ji welatiyên gund hat girtin li cihê ku dar hatine birîn de nêzî 1 kîlometre rê hatiye çêkirin û berfirehkirin. Di heman demê de hat zanîn ku li herêmê talankirina xwezayê ku didome, ji ber operasyonê li cihê daristanê şewat derketiye û dar û zeviyên welatiyan zirarek mezin dîtiye.

	 

	Dixwazin herêmê bê mirov bihêlin

	 

	Di heman demê de hat diyarkirin ku di rojên derbasbûyî de welatiyek li herêmê hatiye binçavkirin. Li gor agahiyên ku ji gundiyan hat girtin, tê îdîakirin ku herêmê dê vegûherînin qada mesîreyê.

	 

	Welatiyên ku bertek nîşanê operasyonê û ji ber operasyonê darên ku hatine qirkirin, da û bi lêv kirin ku bi van operasyonan dixwazin welatî xaka xwe bihêlin û herêmê bê mirov bihêlin. Welatiyan, di heman demê de got armanca van operasyona tirsandine û got: “Dixwazin me ji vir bişînin û mirovên xwe bi cih bikin.”