
'Bila girtiya bi nexweşiya giran Ozge Ozbek bê berdan' 

2023-07-22 15:09:12


	&nbsp;

	&nbsp;

	STENBOL - ÎHD’a Stenbolê destnîşan kir ku divê demildest girtiya nexweş Ozge Ozbek a rewşa wê giran e were emeliyetkirin û banga berdana wê hat kirin.&nbsp;

	&nbsp;

	Komîsyona Girtîgehan a Şaxa Komeleya Mafên Mirovan (ÎHD) a Stenbolê ji bo balê bikişîne ser rewşa girtiyên nexweş, di hefteya 590’î de çalakiya “Rûniştina F” li dar xist. Çalakî li ber avahiya ÎHD’ê pêk hat û gelek parêzvanên mafên mirovan û malbatên girtiyan tev lê bûn. Rêveberê navenda HDP’ê Mûsa Pîroglû jî piştgirî da çalakiyê. Di çalakiyê de pankarta “Bila girtiya nexweş Ozge Ozbek bê berdan” û “Tedawî maf e nayê astengkirin” hatin vekirin û dirûşm hatin berzkirin.&nbsp;

	&nbsp;

	ÎHD’ê vê hefteyê bal kişand ser rewşa girtiya nexweş Ozge Ozbek a li Girtîgeha Sîncanê ya Jinan tê ragirtin.&nbsp;

	&nbsp;

	Endama Komîsyona Girtîgehan a ÎHD’a Stenbolê Meral Nergîz Şahîn daxuyanî xwend û bal kişand ser rewşa tevahiya girtiyên nexweş û xwest tevahiya girtiyên nexweş tavilê bên berdan.&nbsp;

	&nbsp;

	'Bila girtiya bi nexweşiya giran Ozge Ozbek bê berdan'

	&nbsp;

	Meral bal kişand ser rewşa girtiya nexweş Ozge Ozbek ku rewşa wê her diçe giran dibe û diyar kir ku Ozge di 10’ê tîrmehê de li qawîşa girtîgehê li erdê ketiye û serê wê êşiyaye û piştî wê rakirine nexweşxaneyê hatiye tespîtkirin ku xwîn çûye ser mejiyê wê û ûrê di serê wê de jî mezin bûye. Meral bang li rayedaran kir ku demildest mudaxileyî rewşa Ozge bikin û were emeliyetakirin û tavilê bê berdan. Meral anî ziman ku her ku çiqas nexweşxaneya Acibadamê ya Stenbolê di sala 2020’yan de gotiye nikare di hepse de bimîne jî lê dîsa jî nayê berdan û ew bi tena serê xwe nikare bijî û divê were berdan. Meral &nbsp;ji bo parastina mafê jiyanê û tenduristiyê yê Ozge banga hestiyariyê li raya giştî kir.&nbsp;