
Platforma Ked û Demokrasiyê çû serdana rojnamegeran

2023-07-21 20:09:32


	&nbsp;

	AMED - Şaxa ÎHD’a Amedê û Platforma Ked û Demokrasiyê ya Amedê serdana rojnamegerên hatin berdan kirin û destnîşan kirin ku wê piştevaniya wan a ji bo çapemeniya azad bidome.

	&nbsp;

	Komeleya Mafên Mirovan a Amedê (ÎHD) û Platforma Ked û Demokrasiyê ya Amedê serdana rojnamegerên hatin berdan kirin. Serdan di avahiya Komeleya Rojnamegeran a Dîcle Firatê (DFG) de hat kirin. Hevserokê DFG’ê Serdar Altan, rojnameger Zeynel Abîdîn Bulut û Hakki Boltan nûnerên saziyê pêşwazî kirin. &nbsp;Di serdanê de saziyan bal kişandin ser pêştevaniyê û banga xwedî derketina Çapemeniya Azad kirin. Hevserokê ÎHD yê Amedê Abdullah Zeytun, Seroka Odeya Tabîbên Amedê Elîf Turan, Serokê Odeya Endezyarên Zîraatê Samet Ucuman, Hevserokê Hejmara 1’an a Egîtîm Sen a Amedê Zulkuf Guneş û endamên saziyên sivîl di serdanan de amade bûn.&nbsp;

	&nbsp;

	Hevserokê ÎHD’ê Abdullah Zeytûn destnîşan kir ku heke çapemeniya kurd tune be parêzvanên mafên mirovan jî nikarin dengê xwe ragihînin. Zeytûn diyar kir ku divê piştevaniya çapemeniya Kurd bê kirin û têkiliyên saziyên sivîl xurttir bibin.&nbsp;

	&nbsp;

	Dû re Seroka Odeya Tabîbên Amedê Elîf Turan axivî û da zanîn ku wan dîsa pêvajoyek bê hiqûqî derbas kirine û wiha got: “Hêvî dikim ku ev pêvajo bi dawî bibe, lê wisa xûya dike ku wê bidome. Em bi çapemeniya azad serbilindin û em hertim bi we re ne. Hêvî dikim careke din tiştek neyê serê çapemeniya azad û saziyên ku kar û xebatên xwe dimeşînin. Çi bikeve ser milên me em ê bikin, derbasî be.”&nbsp;

	&nbsp;

	Rojnameger Serdar û Zeynel Abîdîn xêrhatina saziyan kirin û ji bo piştevaniyê jî spasiyên xwe anîn ziman.

	&nbsp;