Komxebata têkildarî Peymana Lozanê di roja 2'yemîn de ye 

2023-07-07 12:25:14


	 

	 

	NAVENDA NÛÇEYAN - Komxebata Navneteweyî ya têkildarî Peymana Lozanê ku li bajarê Hesekê tê lidarxistin di roja duyemîn de bi rûniştina çaremîn didome.

	 

	Komxebat ji aliyê Navenda Rojava ya Lêkolînên Startejîk (NRLS) ve tê lidarxistin û zêdetirî 150 siyasetmedar û akademîsyenên ji Bakur û Rojhilatê Sûriyeyê, Kurdistan û cîhanê tev lê bûne. Hinek ji wan fîzîkî tevli komxebatê bûne, hinek jî bi rêya Zoomê û peyamên bi dîmen beşdar dibin.

	 

	Di roja yekemîn a komxebatê de 3 rûniştin hatibûn lidarxistin, tê de 9 mijar hatibûn nîqaşkirin. Îro jî beşdarên komxebatê 7 mijarên sereke “Rewşa Kurdan a heyî û astengiyên ku rastî wan tên, Rê û rêbazên rûbirûbûna şerê tunekirinê yê ku Gelê Kurd armanc digire, Derbaskirina Lozanê û çareya herî baş ji bo doza Kurd û herêmê” tên nîqaşkirin.