
Nûnerên partî û rêxistinên Başûr çûn sersaxiya Rêveberiya Xweser 

2023-06-22 12:36:16


	&nbsp;

	&nbsp;

	NAVENDA NÛÇEYAN - Nûnerên gelek partî û rêxistinên Başûr serdana Nûnertiya Rêveberiya Xweser a Bakur û Rojhilatê Sûriyeyê ya li Başûrê Kurdistanê kirin û ji ber qetilkirina Hevseroka Kantona Qamişloyê Yusra Derwêş, alîkarê wê Leyman Şiwêş û ajovan Firat Tûma sersaxî xwestin.

	&nbsp;

	Li Nûnertiya Rêveberiya Xweser a Bakur û Rojhilatê Sûriyeyê ya li Başûrê Kurdistanê ji bo Hevseroka Kantona Qamişloyê Yusra Derwêş, alîkarê wê Leyman Şiwêş û ajovan Firat Tûma di encama êrîşa balafirên bê mirov ên bi çek ên dewleta tirk de jiyana xwe ji dest dan, sersaxî tê qebûlkirin.

	&nbsp;

	Saet di 10:00 de li nûnertiyê bi amadebûna Nûnerên Rêveberiya Xweser, Kongra Star û PYD’ê sersaxî hate qebûlkirin.

	&nbsp;

	Bi rêzê ve nûnerên partî û rêxistinên Başûr ên weke; Tevgera Azadî, Komîteya Malbatên Şehîdan a PKK’ê ya Başûr, Rêxistinên Rojhilat ên jinan, Zehmetkêşan, Bereya Piştevaniya Rojava, Partiya Pêşver û a Demokratîk a Kurd a Sûriye û kesayetên naskirî weke Mihemed Emîn Pêncewînî, Rojnamevan û Nivîskar Letîf Fatîh Ferc û gelek kesên din serdana Rêveberiya Xweser a Bakur û Rojhilatê Sûriyeyê da û sersaxî xwestin.

	&nbsp;

	Sersaxî heta saet 16:00’na dewam e.

	&nbsp;