Abdullah Ocalan: Divê rêxistina rast, kontrola rast bê kirin 

2023-06-19 09:06:26


	 

	 

	 

	ENQERE - Rexneyên piştî hilbijartinan hatin kirin, nirxandina Rêberê PKK’ê Abdullah Ocalan ya ji bo HDP’ê carek din anî rojevê. Abdullah Ocalan diyar dike ku HDP ‘Partiya Demokratîk a Sosyalîst e’ û wiha dibêje: “HDP tevgereke ekolojist, demokratîk û femînîst e. Niha hewl didin HDP’ê bifetisînin. Divê hun rêxistinbûna rast, kontrola rast bikin. Ev kar û bar bi têkiliyên ahbap çawişiyê nikare bimeşin.”

	 

	Hilbijartinên serokomariyê û parlamentoyê pêk hatin û piştî hilbiajrtinan Partiya Demokratîk a Gelan (HDP)  der barê pêvajoya nû de bi endamên Lijneya Rêveber a Navendî (MYK), Meclîsa Partiyê (PM), Meclîsa Jinan, Ciwanan, hevserokên navend û navçeyan re hevdîtin kirin. Di van civînan de rexne û xwerexnedayîn hatin kirin, kêmasî û qelsî hatin rojevê.

	 

	Di encama nîqaşên hatin kirin de nirxandinên Rêberê PKK’ê Abdullah Ocalan yên der barê HDP’ê de derketin holê.  Me ji sernavên ‘siyaset azad nebe qadên jiyanê azad nabin’, ‘Siyaset pêşî dîtine’, ‘AKP otorîter bibe wê xwe biqedîne’ yên Abdullah Oalan nirxandinên der barê HDP’ê de berhev kirin.

	 

	Siyaset azad nebe jiyan azad nabe

	 

	Abdullah Ocalan di 9’ê Adara 2014’an de diyar dike ku BDP û HDP pir teng nêzî bûyeran dibe û wiha dibêje: “12’ê îlonê û gladiyoyan hun pasîfîze kirine. Em di van êrîşan de jî dibînin. Hun min guhdar nakin. We hêza parastina cewherî fêm nekir. Hun hatin çewistanidn. Min di Newrozê de banga dîrokî kir, wê serokwezîr tiştên ferz  pêk bîne. Rewşa em têdene înkarkirin e. Ez vê terzê qebûl nakim. Min feraseta dewletê ya zanistî danî holê . Divê dewlet jî vê fêm bike. Ji bo bixwazin ji bedena teng xilas bibin HDP ferze. Dermanê darbeye ye, wekê din ji darbeyê derketin en pêkane. Ji nû ve sazkirina HDP û BDP’ê ferz e. Hun vê bikin hunê bigihêjin ji sedî 15’an.”

	 

	Siyaset pêşîdîtine

	 

	Abdullah Ocalan di 14’ê Tebaxa 2014’an de jî diyar dike ku siyaseta Tirkiyeyê di taritiyê de ye û wiha dibêje: “Ez siyaseta demokratîk bê amadekarî dibinim. Divê hun hîn bêtir encamê bigirin. Bi we re ev kêm e. Dewlet jî di vê mijarê de qelse. Dikevin nav dewletê jî. Heta dikevin saziyên îstîxbaratê. Ev belavbûn bi me hemûyan re heye. Dixwazin em nêzîkatiyên bê ciddiyet yên AKP’ê veşêrin. Ji bo vê heyete bi kar tînin. Dişînin ser me. Ez girîngiyê didim heyeta dewletê. 

	 

	Wê Tirkiyeyê bikşînin karasetê

	 

	Niha HDP hatiye nokteyek krîtîk. Hun neçarin vê mezin bikin. Min di serî de gotibû hun nikaribin tiştekî bikin jî 50 ciwanî bibinin bila her tiştê xwe bidin ser van. Min got hun vê pêk bînin ez her tiştî çarsre dikim. Hun jî wek parçeyên muzakerê pisgirêkên aborî, çandî çarser bikin. Hun vê bikin hunê pêşî li helwestên dijdemokratîk yên Erdogan bigirin.  Cih ji ji xeydandinê re û ji şaşiyan re nemaye.  Ji wan re bêjin: Ev mijar çareser bibe wê terora li kolanan terora li hember jinan jî biqede. An jî wê Tirkiyeyê bikşînin nav karasetê.

	 

	AKP otorîter bibe wê xwe biqedîne

	 

	Abdullah Ocalan di 27’ê Sibata 2015’an de nirxandin û rexneyên dike îro jî rojevîbûna xwe diparêzin. Abdulah Ocalan balê dikşîne ser gotinên Erdogan ên ‘Tirkiyeyek nû’ û wiha dibêje: “Duyemîn endamê Tirkiyeya nû ez im. Ya duyem statuya demokratîk e. Mirov bê civak nabin.  Karekterê netewî yê hemû gelan heye. Kurd gelên herî kev in. Qewmê herî kevn e. Em dixwazin vî gelî bigihînin statuya demokratîk. Statuya demokratîk ne dewleteke, statuya nasnameyê ye. Netew-dewlet faşizm e. Li Tirkiyeyê nasnameyên cuda hene. Baweriyên cuda hene. Hun nikarin her kesî bikin yek nasname. Înkarkirina cudahiyan tê wateya înkarkirina gerdunê. MHP wisa dike. Em naxwazin her kes bibe yek tîp. Tiştek wisa ne pêkane. Teoriya me ev e. Çarseriya min ev e. Divê her kes wekhev bê dîtin. Çareserî ev e. Vê ji AKP’ê re vebêjin.”

	 

	Projeya HDP’ê

	 

	Abdullah Ocalan di hevdîtinên salên 2014-2015’an de diyar dike ku HDP tevgerek sosyalîst û demokratîk e û wiha dibêje: “Ji bo me hemûyan rêxistin hevpar pêwist e. Em ji salên 70’yî heta niha vê dixwazin. Rêxistinên netewperest ev her tim asteng kirin. HDK-HDP projeyek raste. Lê  qada meclîsê teng dimîne. Her kesî nahewîne. Dikare kongreyek awarte ya HDP’ê bê kirin. Ji nû ve xwe rêxistin bikin.”

	 

	Feraseta pergala demokratîk

	 

	Abdullah Ocalan baldikşîne ser nîqaşên hevserokatiyê û wiha dibêje: “Bila bixwe bawer bin. Bila kes nekeve pey bayê şovenîzma partiyê. Divê bê hestiyarî tune be. Her kes bixebite. Her kesî tevli xebata pergala demorkatîk bikin.

	 

	Abdullah Ocalan bal dikşîne ser rola pêşeng a jinê û diyar dike ku divê jin rola xwe bînin cih û wiha didomîne: “ Gelek jin hene. Meclîsên jinan hene. Jin ji zîhniyeta mêr hatin durxistin. Kadroyên we têr dikin. Tecrubeya we heye. Divê jin di civakê de cihê xwe bibîne. Divê kes ji jinan netirse. Jin alava veguhertina civakî ye. Divê HDP bibe partiya gelan. HDP dikare bibe ‘Partiya Kongreya Demokratîk’. ”

	 

	Partiyê xurt bikin

	 

	Abdullah Ocalan destnîşan kir ku divê HDP bê  xurtkirin û divê bi ciwanan bê dewlemendkirin, partî bê xurtkirin. Abdullah Ocalan da zanîn ku divê her kes di vê mijarê de cidî tevbigere. Abdullah Ocalan baldikşîne ser girîngiya hevkariya Tirk û Kurd û wiha dibêje: “Ji bo Kurdbûnê xizmeta herî baş bi du rewşenbîrên Tirk re be jî hevkar bûn girînge. Welatîbûna xurt esas bigirin û bixebitin. Ermenî, Suryanî, jin, femînîst jî dikarin di vî warî de xwe rêxiistin bikin. Divê HDP bibe navenda hemû aliyên civakî.”

	 

	‘Em hewl didin çepa belav bûye kom bikin’

	 

	Abdullah Ocalan destnîşan dike ku HDP partiya sosyalîzma demokratîke û wiha dirêjî dide: “Bila kes vê qadê ji xwe re wek qad b ikar neyne. HDP partiya girseyane . Partiya sosyalîzma demokratîkbûnê ye.  Em helw didin Çep a  li Tirkiyeyê parçe bûye berhev bikin. Em ê neyên listika tu kesî. Mafê tu kesî tune ye me bi kar bînin. HDP tevgera demokratîk a azad e. Ronahiya demokrasiyê ye. Wê her kes cidî be.Em ê welatîbûnê ji nû ve bidin nasîn.  Em ê ji dewletê re nebin kul, em ê welatîbûna azad biafirînin.”

	 

	 Sibê: Sebahat Tuncel:Divê  li dora rêgezên avabûna HDK û HDP’ê ji nû ve rêxistinbûn hebe