
Kongreya Star êrişên dewleta tirk şermezar kir  

2023-06-13 08:51:33


	&nbsp;

	&nbsp;

	HELEB - Ji bo şermezarkirina êrîşên dewleta tirk ên bi balafirên bê mirov ku mirovan dike hedef, her wiha topbarana li ser herêmên Şehbayê Kongreya Star li taxa Şêxmeqsûd a bajarê Helebê meşeke girseyî li dar xist.&nbsp;

	&nbsp;

	Ji bo şermezarkirina êrîşên dewleta tirk ên bi balafirên bê mirov ku mirovan dike hedef, her wiha topbarana li ser herêmên Şehbayê Kongreya Star li taxa Şêxmeqsûd a bajarê Helebê meşeke girseyî li dar xist. Meş ji pêşiya eywana Yasîn a ku dikeve milê xerbîya taxê dest pê kir û ber bi Qada 7 pakrewanan a ku dikeve milê şerqîya taxê dom kir.

	&nbsp;

	Di meşê de pankartên bi nivîsa "Li dijî dewleta tirk a dagirker serî hildin û wan ji tevahî xaka Sûriyeyê derxin","Dewleta tirk terorê dike û piştgiriya wê dike" hatin vekirin. Di hema demê de alên Kongreya Star û wêneyên Rêberê PKK'ê Abdullah Ocalan hatin hildan. Her wiha dirûşmên "Şehîd namirin","Kujer Erdogan","Bijî berxwedana Şehbayê" hatin berzkirin.&nbsp;

	&nbsp;

	Piştî deqeyeke rêzgirtin axaftin li ser navê Koordînasyona Kongreya Star Nêrgiz Hemû ve hat kirin.

	&nbsp;

	Nêrgiz di destpêka axaaftina xwe de êrîşên dewleta tirk ên li ser herêma Şehbayê bi tundî şermezar kir û di şexsê her sê pakrewanan de hemî pakrewanên azadiyê bi bîr anî û sersaxî ji malbetê re xwest.

	&nbsp;

	Nêrgiz di berdewamiya axaftina xwe de wiha anî ziman: "Dewleta tirk û alîgirên wê dixwazin komkujiyê bi ser gelê kurd de bimeşînin da ku vîna gelê kurd bişkîne. Ev hemî kiryar û komkujî li hemberî hemî dewlet û çavên dinyayê çêdibe. Her wiha hemî dewlet li ser pişta gelê kurd dixwazin siyaseta xwe ya qirêj bide meşandin.

	&nbsp;

	Nêrgiz di dawiya axaftina xwe de wiha anî ziman:"Em wek şêniyên taxa Şêxmeqsûda berxwedêr bi tundî êrîşên dewleta tirk şermezar dikin û ev dijminê hov nikare îradeya gelê me bişkîne. Ji ber em xeta pakrewanên xwe dişopînin û heya em rêberê xwe di nav xwe de nebînin em bi xweşî ranazên."

	&nbsp;