5 jinên ji 24’ê Adarê ve girtîbûn hatin berdan 2023-06-08 19:04:07   ÎZMÎR- 5 jinên ku bi ‘endamtiya rêxistinê’ dihatin tawanbarkirin û ji 24'ê Adarê ve girtî bûn, di runiştina ewil de hatin berdan.    Endama Lijneya Rêveber a Navendî ya Partiya Demokratîk a Gelan (HDP) Îdîl Ugurlu, Dayika Aştiyê Behiye Yalçin, Selma Demîr, Hayat Îzgî û Newroz Çelîk di 24'ê Adarê de li Îzmîrê hatibûn binçavkirin û paşê bi îdiaya ‘endamtiya rêxistinê’ hatibûn girtin. Danişîna ewil a dozê îro li Dadgeha Cezayê Giran a 20'an a Îzmîrê hat lidarxistin. Lê ji ber ku hêwana dadgehê biçûk bû, danişîn li hêwana Dadgeha Cezayê Giran a 13'an a Îzmîrê hat lidarxistin. Jinên girtî û parêzerên wan, rêveberên HDP'ê, malbatên girtiyan û gelek welatî tevlî runiştinê bûn.    Kesên girtî bi şertê mehê carekê îmzeyê bidin û bi şertê qedexeya derketina derveyî welêt hatin berdan.