Kongreya Star: Li hember tecrîdê li qadan bin  

2023-06-03 10:00:54


	 

	 

	 

	NAVENDA NÛÇEYAN - Kongreya Star der barê tecrîta girankirî a li ser Rêberê PKK'ê Abdullah Ocalan de daxuyanî da. Di daxuyaniyê wiha hat gotin:“Ji bo zadiya fîzîkî ya Rêber Apo em derkevin qadan.”

	 

	Meclîsa Kongreya Star a yek ji tevgerên jinan ên Bakur û Rojhilatê Sûriyê ye, têkildarî tecrîda li ser Rêberê PKK'ê Abdullah Ocalan ku di bin şert û mercên giran de li Girtîgeha Tîpa F ya Ewlekariya Bilind a Îmraliyê tê girtin û 2 sal zêdetir e tu agahî jê nayê girtin, daxuyaniyek da. Di daxuyaniyê de hat ragihandin ku tecrîda dewleta tirk a li Îmraliyê li dijî qanûnên navneteweyî ye, her tim bê hincet ‘cezayên dîsîplînê’ li Rêberê PKK'ê re hatiye birîn, herî dawî 6 mehên hevdîtina bi malbat û parêzeran jî qedexe tê ferzkirin.

	 

	‘Li hember tecrîdê li qadan bin’

	 

	Di daxuyaniyê de hat gotin ku dewleta tirk rêzê ji mafê mirovan û girtiyan nagire, hat diyarkirin ku armanca tecrîdê şikandina îradeya gelê Kurd û hemû gelên heremê ye.

	 

	Kongreya Star diyar kir ku polîtîkayên înkarê yên di şexsê Abdullah Ocalan de li dijî gelan tê meşandin û bang li NY, rêxistinên mafên mirovan û CPT kir ku li dijî tecrîdê berpirsyariyên xwe bi cih bînin.

	 

	Kongreya Star di dawiyê de bang li hemû jinan û gelan kir ku ji bo azadiya fîzîkî ya Rêberê PKK'ê Abdullah Ocalan dakevin qadan.