
Li Efrînê 53 kes hatin revandin 

2023-06-01 10:34:46


	&nbsp;

	&nbsp;

	&nbsp;

	NAVENDA NÛÇEYAN - Rêxistina Mafên Mirovan a Efrîn-Sûriyeyê da zanîn ku di meha gulanê de li Efrînê 53 kes hatin revandin û bi sedan dar hatin birîn.&nbsp;

	&nbsp;

	Rêxistina Mafên Mirovan a Efrîn-Sûriyeyê têkildarî binpêkirinên ji hêla dewleta tirk û komên paramîlîter ên girêdayî wê yên di meha gulanê de li Efrînê kirin parve kir. Li gorî nûçeya ANHA’yê; di meha gulanê de li Efrînê 53 kes bi hincetên vala û bêbingeh hatin revandin û ji kesên hatine revandin bi hezaran dolar hatin xwestin.&nbsp;

	&nbsp;

	Zarokek hate qetilkirin û 25 kes jî birîndar bûn

	&nbsp;

	Piştî ku Tayyip Erdogan di 28’ê Gulanê de bi ser ketî, komên paramîlîter di bin navê “pîrozbahiyê” de gule li derdorê reşandin. Di encama gulereşandinê de zarokek hate qetilkirin û 25 kes jî birîndar bûn.&nbsp;

	&nbsp;

	Darên zeytûnan tên birîn

	&nbsp;

	Ji 18’ê adara sala 2018’an roja dagirkirina Efrînê heta niha xwezaya bajar bênavber tê qirkirin. Di meha gulanê de li navenda bajar û navçeyên Mabata û Recoyê zêdetirî 900 darên zeytûnan û yên fêkiyan hatin birîn. Darên hatine birîn li Efrîn, Ezaz, Idlib û Cerablûsê hatin firotin.&nbsp;

	&nbsp;

	Avahî ji bo guherandina demografyaya herêmê tên avakirin

	&nbsp;

	Komên paramîlîter ên bi rêxistinên Qeter, Quweyt û Filistînê re peywendiyên wan hene, li Efrînê wargehên nû ava dikin. Di vê çarçoveyê de li gundê Şadêr ê girêdayî navçeya Şêrawayê 50 avahî hatin avakirin û erdekê bi qasî 30 hektaran hatin kolandin. Hat ragihandin ku avahiyên behsa xeberê, ji bo guherandina demografyaya herêmê tên avakirin.&nbsp;

	&nbsp;

	&nbsp;