
‘Şehba FM’ dest bi weşanê dike

2023-05-26 11:27:21


	&nbsp;

	&nbsp;

	NAVENDA NÛÇEYAN - Radyoya Şehba FM a li Helebê ku di Çileyê de dest bi weşana test kiribû, di 1'ê Hezîranê de bi bultena nûçeyan û bernameyên cur bi cur dest bi weşanê dike.

	&nbsp;

	Di 16'ê Çileyê de Radyoya ‘Şehba FM’ dest bi weşana test kiribû. Ji saet 8’ê sibehê heta saet 2’yê piştî nîvro sernûçe û stran dihatin weşandin.

	&nbsp;

	Li gor nûçeya ANHA'yê Şehba FM weşana xwe ji navenda xwe ya li taxa Şêxmeqsûd a Helebê dike û li Heleb û kantona Şehbayê tê guhdarîkirin.

	&nbsp;

	Weşana radyoyê bi zimanên kurdî û erebî li ser frekansa 107.5 tê kirin.

	&nbsp;

	Dê di weşana wê de bultena nûçeyên herêmê û cîhanê, bernameyên civakî, çandî, aborî û yên ciwan û jinan werin pêşkêşkirin.

	&nbsp;

	Li gorî endama radyoyê Diyala Ebdî dê weşana fermî di 1'ê Hezîranê de dest pê bike.

	&nbsp;

	Diyala Ebdî li ser mijarê got: "Dê nûçey û stran bên weşandin. Weşana radyoyê dê ji 8'ê sibehê heta 8'ê êvarê be.”

	&nbsp;

	Niha li navenda radyoyê 8 xebatkar li ser xebata radyoyê perwerde dibin. Diyala got: "Em li ser pisporiya xebata radyoyê perwerde dibin."

	&nbsp;