
PENa Kurd: Têkoşîna ji bo ziman berpirsiyartiyeke exlaqî ye  

2023-05-15 15:35:36


	&nbsp;

	&nbsp;

	NAVENDA NÛÇEYAN - Komîteya Rêveberiya Giştî ya PENa Kurd diyar kir ku Bi dabeşkirina axa Kurdistanê ya ji aliyê çar dewletên dagirker ve û siyasetên înkarê metirsiyên li ser zimanê kurdî berdewam in û got:"Li hember siyaset û sîstemên înkarker, xwedîderketina li çand û ziman, bikaranîna ziman a di jiyana rojane de her wiha li gel pêşxistinê hewldana ji bo zimanê kurdî bibe zimanê fermî û perwerdeyê têkoşîn, berxwedana di vê rêyê de gelekî girîng e. Ev berpirsyaretiyeke exlaqî û dîrokî ye.'

	&nbsp;

	Bi munasebeta 15'ê Gulanê Cejna Zimanê Kurdî Komîteya Rêveberiya Giştî ya PENa Kurd daxuyaniya nivîskî weşand. Di daxuyaniyê de hat gotin:"Em wek Navenda PENa Kurd di Cejna Kurdî de pirtûka Rabûna Berî li Gulberojan a ku bi çîrok û helbestên nivîskarên di zindanan de hatiye amadekirin li hemû xwendekarên Kurdî dikin diyarî û hewl didin ku rê li ber azadiya ramanê û nivîsînê vebikin, dengê wan bigihînin cîhanê."

	&nbsp;

	Di berdewamiya daxuyaniyê de wiha hat gotin:"

	&nbsp;

	Kolonyalîzm û dagirkeriya li ser Kurdistanê heta niha û berî niha, bi sedan salan e dewam dike. Ev jî dibe sedem ku hebûn, ziman, çand û nasnameya gelê Kurd ji aliyê dagirker û desthilatdaran ve di bin zexta înkar û tinekirinê de be.&nbsp;

	&nbsp;

	Bi dabeşkirina axa Kurdistanê ya ji aliyê çar dewletên dagirker ve û siyasetên înkarê metirsiyên li ser zimanê kurdî berdewam in.&nbsp;

	Tevî zext, givaşên dijwar, dûrxistin, qedexekirina xwendin, nivîsandin û bikaranîna zimanê dayikê, kurdan di qonaxên cuda de bi saya wêjeya devkî û nivîskî hebûn û nasnameya xwe parastine, heta roja îro domandine.&nbsp;

	&nbsp;

	Di vê navberê de lazim e rola Celadet Elî Bedirxan û derxistina Kovara Hawarê ku di wê serdemê de û ji bo nifşên niha jî bûye xwendingeh, neyê jibîrkirin.&nbsp;

	&nbsp;

	Li hember siyaset û sîstemên înkarker, xwedîderketina li çand û ziman, bikaranîna ziman a di jiyana rojane de her wiha li gel pêşxistinê hewldana ji bo zimanê kurdî bibe zimanê fermî û perwerdeyê têkoşîn, berxwedana di vê rêyê de gelekî girîng e. Ev berpirsyaretiyeke exlaqî û dîrokî ye.&nbsp;

	&nbsp;

	Em wek Navenda PENa Kurd di Cejna Kurdî de pirtûka Rabûna Berî li Gulberojan a ku bi çîrok û helbestên nivîskarên di zindanan de hatiye amadekirin li hemû xwendekarên Kurdî dikin diyarî û hewl didin ku rê li ber azadiya ramanê û nivîsînê vebikin, dengê wan bigihînin cîhanê.

	&nbsp;

	Bi hêviya ku dengê Kurdî li çar aliyên Kurdistanê û cîhanê her roj hinekî din xurtir û berztir bibe, 15'ê Gulanê, Cejna Zimanê Kurdî li hemû kedkarên zimên û Kurdan pîroz be..."

	&nbsp;

	&nbsp;

	&nbsp;

	&nbsp;