Li Wîntherthûrê panela 'Cejna Zimanê Kurdî' hat lidarxistin 

2023-05-15 12:47:40


	 

	 

	NAVENDA NÛÇEYAN - Li bajarê Wîntherthûrê yê girêdayî kantona Zurîh a Swîsreyê bi wesîleya 15’ê Gulanê Cejna Zimanê Kurdî panelek hat lidarxistin.

	 

	Panel ji aliyê Navenda Civaka Kurd a Demokratîk a Wîntherthûrê ve hat organîzekirin. Gelek Kurdistanî û dostên wan tevlî panelê bûn.

	 

	Panelîstên ku helbestvan Dilber Hêma jî di nav de bû, Cejna Zimanê Kurdî pîroz kirin û têkildarî wate û girîngiya zimanê Kurdî semîner dan.

	 

	Nivîskar Osman Ozçelîk qala dîroka zimanê Kurdî kir û got: “Divê zimanê Kurdî teqez bibe zimanê perwerdeyê.”

	 

	Helbestvan Dilber Hêma jî diyar kir ku asîmîlasyon û otoasîmîlasyona ku zimanê Kurdî pê re rû bi rû ye, ji Plana Şark-Islahatê û vir ve dewam dike.

	 

	Panel bi xwendina helbestên Kurdî yên Dilber Hêma, bi dawî bû.