
'Nobeta Edaletê' ya Emîne Şenyaşar 782 roj in didome  

2023-05-13 12:59:20


	&nbsp;

	&nbsp;

	&nbsp;

	RIHA - Çalakiya "Nobeta Edaletê" ya Malbata Şenyaşar 782 roj in didome. Şaredarê berê yê Cenevrê Rêmy Pagani, ji Partiya İnsoumise ya Fransayê Angélique Schmidt û rojnameger Rachad Armanios serdana çalakiyê kirin.&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjînê Emîne Şenyaşarê û du kurên wê hatibûn qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’ê de li pêşiya Edliyeya Rihayê dest bi çalakiya Nobeta Edaletê kiribûn. Çalakiya Malbata Şenyaşar di roja 782'yan de berdewam kir.&nbsp;

	&nbsp;

	Emîne Şenyaşar çalakiya xwe di bin pankarta "Ji bo Malbata Şenyaşar edalet" de pêk anî. Ji ber ku Ferît Şenyaşar tevlî xebatên hilbijartinê bû tevlî çalakiya îro nebû. Îro şaredarê berê ya Cenevrê Rêmy Pagani, ji Partiya İnsoumise ya Fransayê Angélique Schmidt û rojnameger Rachad Armanios serdana çalakiyê kirin.&nbsp;

	&nbsp;

	Emîne di serdana şandeyê de bal kişand ser qetlîam û têkoşîna xwe. Şande, di serdanê de diyar kir ku dê her tim piştevaniya malbatê bikin. Emîne jî diyar kir ku ji piştevaniya şandeyê hêz girtiye.&nbsp;

	&nbsp;