
Li Şûna standa Partiya Çep a Kesk konê AKP'ê hat daînîn 

2023-05-07 13:39:15


	&nbsp;

	&nbsp;

	RIHA - Şaredariya Xelfetiyê ya AKP’î bi hinceta “temîrkirin-çêkirinê” standa Partiya Çep a Kesk rakir û li şûna wê standa AKP’ê danî.&nbsp;

	&nbsp;

	Şaredariya Xelfetiyê ya Rihayê ku di destê AKP’ê de ye, standa Rêveberiya Partiya Çep a Kesk rakir û di nîvşevê de standa AKP’ê danî û konê wê vegirt. Partiya Çep a Kesk li Parka 4’ê Nîsanê ya li Taxa Karaotlakê standa hilbijartinê danî. Zabiteyên şaredariyê 2 roj berê hatin û xwestin bi hinceta “pêşiya saziya cemaweriyê digire” standê rakin. Endamên partiyê jî diyar kirin ku standa wan li gorî Lijneya Hilbijartinê ya Navçeyê guncav e.&nbsp;

	&nbsp;

	Zabite, duh bi makîneyên kar hatin cihê standê û bi hinceta “temîrkirin-çêkirinê” xebat dan desptêkirin. Endamên partiyê jî bi sedema “temîrkirin-çêkirinê” heta demekê standa xwe rakirin. Zabiteyan îro di danê sibehê de jî li cihê standa Partiya Çepên Kesk, standa AKP’ê danîn û konê wê vegirt.&nbsp;