
Botan bi rengên Partiya Çep a Kesk xemilî  

2023-04-28 18:16:54


	&nbsp;

	&nbsp;

	ŞIRNEX - Partiya Çep a Kesk di çarçoveya xebatên xwe yên hilbijartinê de li gelek navçeyên Şirnexê &nbsp;bername lidarxistin.&nbsp;

	&nbsp;

	Xebatên hilbijartinê ya Partiya Çepên Kesk bênavber bi coşek mezin berdewam dike. Partiya Çep a Kesk bi namzetên xwe yên Şirnexê li navçeyên Şirnexê bernameyan cur bi cur lidarxistin.&nbsp;

	&nbsp;

	Dêrgûl

	&nbsp;

	Partiya Çep a Kesk li bajarokê Dêrgûlê ya Şirnexê şahiya gel lidar xist. Namzeta Partiya Çepên Kesk yê Şirnexê Newroz Uysal, Rêxistina Partiyên Çep a Kesk yê Bajarokê Dêrgûlê û Rêxistina Partiya Demokratîk a Gelan(HDP) yê Bajarê Şirnexê û Komeleya Ziman û Çandê ya Bircabelek beşdarî bûn. Şahî li ber bûroya hilbijartinê ya Dêrgûlê pêk hat. Şahiyê de dîmenên rengîn pêk hatin.&nbsp;

	&nbsp;

	Di şahiyê de namzet Newroz Uysal, diyar kir ku &nbsp;Gelê Kurd li dijî sîyaseta tunehesibandinê 50 sal in têdikoşe û got: “Ev desthîlatdar ji hêz, siyaset û têkoşîna me ditirse ku li Amedê hevalên me girtin. Ev 50 sal in vî sîyaseta dijminatiyê li ser me dimeşînin. Lê çi bikin jî bi ser nakevin. Em hene û xwediyê vê axê nin.”

	&nbsp;

	Şahî bi govend gerandinê bidawî bû.

	&nbsp;

	Hezex

	&nbsp;

	Li Hezexê jî serdana li gundên Elcanî, Erzanix, Tîlela, Mîzgevtok, Cerahî û Xendek hate kirin. Serdana gundan bi tevlîbûna namzeta Partiya Çep a Kesk yê Şirnexê Ayşegul Dogan ve hate kirin. Bal û eleqeyek mezin ji hêla gel ve hate nîşandan.&nbsp;

	&nbsp;

	Cizîr

	&nbsp;

	Li Cizîrê jî di çarçoveya xebatên hilbijartinê de serdana gundên Nêhrbê, Gozik û Ernebat hate kirin. Parlementera HDP’ê Şirnexê Nuran Îmîr, namzetê Şirnexê Zekî Îrmez û rêxistina Partiya Çep a Kesk yê Cizîrê beşdarî bernameyê bûn.&nbsp;

	&nbsp;

	Silopya

	&nbsp;

	Li Taxa Başakê ya Silopyayê jî bûroya hilbijartinê hate vekirin. Vekirina bûroyê bi beşdariya namzetê Şirnexê Bedîrhan Osal ve pêk hat.

	&nbsp;