
Çûn serdana gora Denîz Poyraz 

2023-04-20 14:34:17


	&nbsp;

	ÎZMÎR - Malbat û namzetên rêxistina Partiya Çep a Kesk, bi minasebeta Cejna Remezarê çûn serdana gora Denîz Poyraz.&nbsp;

	&nbsp;

	Denîz Poyraz di 17'ê hezîrana 2021'ê de di encama êrişa li hemberî avahiya Partiya Demokratîk a Gelan (HDP) a Îzmîrê de ji hêla Onur Gencer ve hat qetilkirin. Malbata Denîz, namzetên Rêxistina Partiya Çep a Kesk, Dayikên Aştiyê, Komeleya Hiqûqnasên ji bo Azadiyê (OHD) û gelek parêzer çûn serdana goristana Denîzê.&nbsp;

	&nbsp;

	Li goristanê namzeta Partiya Çep a Keskê û di heman demê de parêzerê dosyayê Abdulmecit Yildirim axivî û go: "Soz dane Denizê û dê soza xwe bînin cih. Ji bo jiyaneke bi rûmet û aştiyane dê têkoşîna xwe bidomînin. Em bi hêz in û em hêza xwe ji dayik û bavê Denîzê digirin."

	&nbsp;

	Dayika Denîz Fehîme Poyraz jî axivî û diyar kir ku heta kujerên rast derxin holê dê têkoşîna xwe bidomînin.&nbsp;

	&nbsp;

	Piştre heman kom çûn serdana gora Dîlan Kortak a ku di 3'yê kanûna 2015'an de li Sancaktepe ya Stenbolê di encama gulebarandina polîsan de hat qetilkirin.&nbsp;