Polîsên elman bi ser Navenda Civaka Kurd a Darmstadtê girtin 

2023-04-19 14:08:42


	 

	 

	NAVENDA NÛÇEYAN - Polîsan bi ser Navenda Civaka Kurd a Demokratîk a li bajarê Darmstadtê ya Elmanyayê girtin.

	 

	Serê sibê polîsan bi ser Navenda Civaka Kurd a Demokratîk a Darmstadtê girt. Hat ragihandin ku daraza Elmanyê diyar kiriye têkiliya hevserokên berê yên FCDK-KAWA Songul Çelîk û Mehmet Emîn Denîz bi hin çalakvanên din ên kurd re heye û ev tişt kiriye hinceta serdegirtinê.

	 

	Li komeleyê saet di navbera 06:00-11:00 de lêgerîn pêk hat. Hate hînbûn ku rayedarên komeleyê xistine nav lêpirsînê. Di lêgerînê de alên KCK, Tevgera Ciwanên Şoreşger, Civaka Azad, Kongra-Gel, PAJK, Jinên Ciwan ên Azad hatin desteserkirin.

	 

	Ji ber heman hincetan li bajarên Rûsselsheîm, Maînz û Mannheîmê jî serdegirtina malan pêk hat. Polîsan girtin ser mala Songul Çelîk û Mehmet Emîn Denîz ên li Russelsheîm û Mainzê dijîn û berê hevserokên FCDK-KAWA'yê bûn.

	 

	Li Mannheîmê jî polîsan girtin ser mala Hevserokê Navenda Civaka Kurd a Demokratîk Halîs Dogan.