
DBP, HDP û Partiya Çep a Kesk bûn mêvanê sifreya malbata Şenyaşar

2023-04-18 20:59:18


	&nbsp;

	RIHA - DBP, HDP û Partiya Çep Kesk li ber Edliyeya Rihayê bûn mêvanê sifreya fitarê ya malbata Şenşayar. Ferît Şenyaşar got: "Qîrîna dêya min a ji bo edaletê li kuçeyên Rihayê olan dide."&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrîşî malbata Şenyaşar kir. Di encama êrîşê de hevjîn û du kurên Emîne Şenyaşarê hatin qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê adara 2021’ê de li pêşiya Edliyeya Rihayê dest bi çalakiya Nobeta Edaletê kirin. Çalakiya Malbata Şenyaşar di roja 757'an de berdewam dike.&nbsp;

	&nbsp;

	Malbata ku li ber pankarta "Ji malbata Şenyaşar re edalet" nobetê digre, bi boneya meha Remezanê li vir jî difitire.

	&nbsp;

	Rêxistinên Partiya Herêmên Demokratîk (DBP), Partiya Demokratîk a Gelan (HDP) û Partiya Çepên Kesk ên Pirsûsê îro serdana Nobeda Edaletê ya malbata Şenyaşarê kirin û li ber Edliyeya Rihayê bi malbatê re fitirîn. Piştî fitariyê Endama Meclisa Şaredariya Bajarê Mezin a Rihayê Nahîd ekIliç, anî ziman ku ji roja roj de li cem malbata Şenyaşar ne.&nbsp;

	&nbsp;

	Paşê Ferît Şenyaşar axiv û got: "Qîrîna dêya min a ji bo edaletê li kuçeyên Rihayê olan dide."

	&nbsp;