
Li Nisêbînê coşa hilbijartinê: Em ê bi ser kevin 

2023-04-14 18:48:19


	&nbsp;

	MÊRDÎN – Şandeya ku ji DBP, KCD, EHD û Partiya Çep a Kesk pêk hat li Nisêbînê serdana esnafan kir û bi konvoyê gel silav kir. Di dema serdanê de girse tim dirûşmeyên “Jin jiyan azadî” û “Em ê bi berxwedanê bi ser kevin” hat berzkirin.&nbsp;

	&nbsp;

	Partiya Pêşerojê ya Çep a Kesk (Partiya Çep a Kesk), li bajarên Kurdistan û Tirkiyeyê tûra hilbijartinê ku da destpêkirin milê wê yê Botanê li navçeya Nisêbîn a Mêrdînê da destpêkirin. Hevberdevkê Partiya Çep a Kesk Îbrahîm Akin, Hevserokê Kongereya Civaka Demokratîk (KCD) Berdan Ozturk, Serokê Giştî yê Partiya Tevgera Kedê (EHP) Hakan Ozturk û namzetên Partiya Çep a Kesk ên Mêrdînê jî di navê de li ser rêya sêgeh a Nisêbînê ji aliyê gel ve hatin pêşwazîkirin. Piştî pêşwazîkirina li vê derê şande ber bi navendê ve bi konvoyê kete rê.&nbsp;

	&nbsp;

	Konvoy li navenda navçeyê bi eleqeyek mezin hat pêşwazîkirin. Welatiyên ku li ser ban, şaneşîn û pencereyan de derketin bi nîşaneya serkeftinê şandeyê silav kir. Esnafan jî ji cihên kar derketin şandeyê silav kirin. Pêşiya otobûsa hilbijartinê tim ji aliyê zarokan ve hat birîn û dîmenên birengin derketin holê. Her wiha girse tim dirûşmeyên “Bijî Serok Apo” berz kirin.&nbsp;

	&nbsp;

	Piştî konvoyê şande, li navenda navçeyê serdana esnafan pêk anî. Di dema serdanê de girse tim dirûşmeyên “Jin, jiyan, azadî”, “Em ê bi berxwedanê bi ser kevin” û “Nisêbîn ya me ye û ya me bimîne” berz kir. Serdan li buroya hilbijartinê ya li taxa Devrîmê bi dawî bû. &nbsp;

	&nbsp;

	Her wiha şande piştre ji bo vekirina bûroya hilbijartinê derbasî Qoserê bû.

	&nbsp;