
Şêniyên Tirbespiyê banga azadiya fîzîkî ya Abdullah Ocalan kirin 

2023-04-10 15:04:34


	&nbsp;

	NAVENDA NÛÇEYAN - Pêkhateyên navçeya Tirbespiyê bi meşekê daxwaza azadiya fîzîkî ya Rêberê PKK'ê Abdullah Ocalan kir.

	&nbsp;

	Bi pêşengiya Tevgera Ciwanên Şoreşger a Sûriyeyê, bi dehan şêniyên navçeya Tirbespiyê ya kantona Qamişloyê bi hemû pêkhateyên wê; Kurd, Ereb û Suryan daketin qadan û azadiya fîzîkî ya Rêberê PKK'ê Abdullah Ocalan xwest.

	&nbsp;

	Şêniyan posterên Abdullah Ocalan rakirin û ji pêşiya navenda Tevgera Ciwanên Şoreşger a Sûriyeyê dest bi meşê kirin.

	&nbsp;

	Meş li ber navenda Kongreya Star veguherî mîtîngê. Endama Kongreya Star a navçeyê Asya Cuma axivî û komploya li dijî Abdullah Ocalan şermezar kir.

	&nbsp;

	Bi navê Însiyatîfa Gel a Bakur û Rojhilatê Sûriyeyê endamê însiyatîfê Hisên El Sada jî axivî û bêdengiya hêzên navneteweyî ya li hemberî tecrîda li ser Abdullah Ocalan û êrişên dewleta tirk a dagirker ên li ser Sûriye û Iraqê şermezar kirin.

	&nbsp;

	El Sada ji bo pêkanîna azadiya fîzîkî ya Abdullah Ocalan banga hevgirtin û rabûna li hemberî siyasetên dewleta tirk li pêkhateyên herêmê kir.

	&nbsp;

	Mîtîng bi dirûşmên ji bo banga azadiya fîzîkî ya Abdullah Ocalan bi dawî bû.

	&nbsp;

	&nbsp;