Ciwanan 4’ê Nîsanê pîroz kir

2023-04-02 21:36:04


	 

	STENBOL-Meclîsa Ciwanan a HDP’ê û Meclîsa Xwendekarên Demokratîk, di çarçoveya rojbûna Rêberê PKK’ê Abdullah Ocalan de bi şîara ‘Ciwan dimeşin şoreşê’ bernameyek pêk anîn. Gelek kes tevli pîrozbahiyê bûn û balkişandin ser têkoşînê.

	 

	Meclîsa Ciwanan a Partiya Demokratîk a Gelan (HDP) û Meclîsa Xwendekarên Demokratîk bi şîara ‘Ciwan dimeşin şoreşê’ li Bagcilar a Stenbolê bi wesîla rojbûna Rêberê PKK’ê Abdullah Ocalan bernameyek pêk anîn. Aktîvîstên Tevgera jinên Azad (TJA), rêveberên HDP’ê, endamên Partiya Herêmên Demokratîk (DBP) û gelek welatî tevli bûn.

	 

	Di axaftinên hatin kirin de li ser girîngiya azadiya Abdullah Ocalan a di avakirina aştiyê de hat sekinandin û diyar kirin ku ji bo aştiya mayîne pêk bê û tecrîd bê şikandin divê têkoşînek bi biryar bê meşandin. 

	 

	Di pîrozbahiyê de 4’ê Nîsanê  bi coşek mezin hat pîrozkirin û peyamên heta Abdullah Ocalan azad nebe wê têkoşin bidome hatin dayîn.