
Ji girtiya bi navê Elif Atdemir xeber nayê girtin 

2023-03-30 11:05:16


	&nbsp;

	&nbsp;

	WAN - Malbata girtiya bi navê Elif Atdemir a li Girtîgeha Jinê ya Bunyana Kayseriyê dihat girtin diyar kir ku bi ser qawişê de hatiye girtin û gardiyanan li Elîfê xistine. Malbatê da zanîn ew nikarin xwe bigihêjin Elîfê.&nbsp;

	&nbsp;

	Ji girtiya bi navê Elif Atdemir a li Girtîgeha Jinê ya Bunyana Kayseriyê dihat girtin xeber nayê sitendin. Bi rêya xizmên girtiyeke din a girtîgehê agahî ji bo malbata Elîfê hat dayin. Malbata Elîfê xwe gihand ajansa me û diyar kir ku ew her roja duşemê bi Elîfê re diaxivîn lê belê vê mehê ev hevdîtina bi telefonê pêk nehatiye.&nbsp;

	&nbsp;

	Malbata Elîfê bang kir

	&nbsp;

	Malbatê da zanîn ku ew derbarê rewşa Elîfê de bi fikar in û binpêkirina mafên li girtîgehan bi bîr xist. Malbatê ragihand ku bi ser qawişan de tê girtin gardiyanan di wê kêliyê de li Elîfê xistine û ew ji Elîfê xeberê nikarin bigirin.&nbsp;

	&nbsp;

	Malbatê bang li raya giştî kir û xwest binpêkirin zext û zordestiyên li ser girtiyan bi dawî bibin.&nbsp;

	&nbsp;

	11 sal û 4 meh cezayê girtîgehê lê hat birîn

	&nbsp;

	Elîfa ji Qelqeliya Wanê ye di 2016'an de hat girtin. Piştre ew şandin Girtîgeha Jinê ya Amedê. Bi iddiaya "endamtiya rêxistinê" Elîfê hat darizandin û 11 sal û 4 meh cezayê girtîgehê lê hat birîn. Di 2022'yan de ji Girtîgeha Jinê ya Amedê sirgunî Girtîgeha Jinê ya Bunyanê hat kirin.&nbsp;

	&nbsp;

	&nbsp;