
OHD bû mîvanê sifreya fitarê ya malbata Şenyaşar

2023-03-29 21:37:11


	&nbsp;

	RIHA- Malbata Şenyşar di roja 737’emîn Nobedeta Edeletê de îro ji ber bahozê li restoranta ber edliyê fitara xwe kir û OHD’a Rihayê îro di fitarê de ligel malbatê bû.

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê hezîrana 2018’an de li navçeya Pirsûs a Rihayê êrişî Malbata Şenyaşar kir. Di encama êrişê de hevjîn û du kurên Emîne Şenyaşar hatin qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’an de li pêşiya Edliyeya Rihayê dest bi çalakiya Nobeta Edeletê kirin. Çalakiya Malbata Şenyaşar di roja 737’an de berdewam dike.

	&nbsp;

	Her roj li ber edliya sifra fitarê tê danîn û îro ji ber bahozê li restoranda ligel edliyê hat vekirin. Emîne Şenyaşar, Ferît Şenyaşar û endamên OHD’ê tevli fitarê bûn. &nbsp;Ferît Şenyaşar piştî fitarê daxuyaniyek da û diyar kir ku têkoşîna wan 5 sale didome û parêzerên endamên OHD’ê tu car ew tenê nehiştine. &nbsp;

	&nbsp;

	Hevserokê OHD’a Rihayê Îbrahîm Halîl Oyke jî axivî û da zanîn ku ew îro bûne mîvanê malbatê û her tim ligel têkoşîna edeletê ya malbata Şenyaşar bûne û wê ji vir şûnde jî her tim ligel wan bin.

	&nbsp;