Agirê Newrozê li Kobanê jî hat pêxistin 

2023-03-15 14:03:05


	 

	 

	KOBANÊ - Agirê Newrozê li navçeya Şêran a Kobanê hate dadan. Li dora agir govend hate gerandin û ji bo azadiya Rêberê PKKK'ê Abdullah Ocalan dirûşm hatin berzkirin.

	 

	Bi dirûşma "Bi ruhê berxwedana Newrozê em ê azadiya fîzîkî ya Rêber Apo mîsoger bikin û dagirkeriyê têk bibin" agirê Newrozê îro li navçeya Şêran a li rojhilatê Kobanê gur bû.

	 

	Piştî dadana agirê Newrozê, ji bo bîranîna cangoriyên têkoşîna azadiyê ya Kurdistanê deqeyek rêz hate girtin.

	 

	Piştre jî Litfiye Mehmûd axivî û Newroz li berxwedêran hemûyan pîroz kir.

	 

	Litfiye Mehmûd got, "Agirê Newrozê bi bedena Mazlûm Dogan geş bû. Bi saya Mazlûm Dogan û Hawayê Hesinkar em Newrozê pîroz dikin. Li ser şopa Kawayê Hemdem Mazlûm Dogan em ê di 21'ê Adarê de berxwedana xwe xurtir bikin û azadiyê teqez bikin."