
Çalakiyên 8’ê Adarê yên li Rojava didomin 

2023-03-07 21:06:31


	&nbsp;

	NAVENDA NÛÇEYAN - Li Bakur û Rojhilatê Sûriyeyê çalakiyên 8ʹê Adarê Roja Jinan a Cîhanê bi dirûşma ‘Bi Jin, Jiyan, Azadî ber bi şoreşa jinan ve’ berdewam dikin.

	&nbsp;

	Bi munasebeta 8’ê Adarê Roja Jinên Cîhanê li Bakur û Rojhilatê Sûriyeyê li her derê bi tevlibûnek xurt pêşangeh, civîn, ziyaret, seminer pêk hatin.&nbsp;

	&nbsp;

	Reqa

	&nbsp;

	Nivîsgeha Jinên Ciwan a Desteya Ciwan û Werzîşê ya Rêveberiya Xweser a Bakur û Rojhilatê Sûriyeyê &nbsp;pêşangeheke wêneyan li hola Stada Beledî ya Reqayê vekir.Endamên Tevgera Ciwanên Şoreşger a Sûriyeyê, Yekitiya Jinên Ciwan, Meclisa Jinan a Sûriyeyê û Desteya Ciwan û Werzîşê amade bûn.

	&nbsp;

	Hevseroka Desteya Ciwan û Werzîşê Henan Bekûr &nbsp;axivî 8ʹê Adarê li tevahî jinan pîroz kir û diyar kir, 8ʹê Adarê roja azadî û rûmetê ye, roja têkoşîna li hemberî hemû cûreyên nîjadperestiyê ye.

	&nbsp;

	Girêdayê mijarê, Meclisa Idlib El Xedra bi dirûşma "Jin, Jiyan, Azadî" civîneke li nivîsgeha xwe ya li Reqayê li dar xist. Endamên Meclisa Idlib El Xedra, Meclisa Jinan a Sûriyeyê û Kombûna Jinan a Zenûbiya beşdarî civînê bûn. Piştî deqeya rêzgirtinê, sînevîzyonek li ser têkoşîna jinan a ji şoreşa 19ʹê Tîrmeha 2012ʹan û şûnve ve hat pêşandan.

	&nbsp;

	Rêveberiya Kombûna Jinan a Zenûbiya ya Reqayê Rojda Mihemed qala sedema ragihandina 8ʹê Adarê wekî Roja Jinan a Cîhanê kir

	&nbsp;

	Minbic

	&nbsp;

	Li Minbicê jî endamên Kombûna Jinan a Zenûbiya, partiyên siyasî, meclisên bajar û gundan û navenda Çand û Hunerê serdana jinên di çandiniyê de dixebitin kirin û bi boneya 8ʹê Adarê şêranî li wan belav kirin. Şandeya jinan a ku serdana zeviyên çandiniyê yên li rojavayê bajarê kirin girîngiya yekitî û hevgirtina jinan destnîşan kirin û got, divê destekftiyên şoreşa jinan werin parastin. Her wiha anîn ziman ku şoreşa jinan a Bakur û Rojhilatê Sûriyeyê ji tevahî cîhanê re bû sembola têkoşîna jina azad.

	&nbsp;

	Çilaxa&nbsp;

	&nbsp;

	Şaredariya Gel a navçeya Çilaxa ya kantona Qamişloyê bi boneya 8ʹê Adarê parqek vekir. Bi dehan endamên saziyên sivî ên navçeyê û Meclisa Malbatên Şehîdan beşdarî merasîma vekirina parqê bûn.

	&nbsp;

	Deriyê parkê ji aliyê dayika şehîd Fadî Sefo, Hediya Xalid ve hat vekirin. Piştre endama Rêveberiya Kongra Star a Çilaxa Semer Hisên axivî û 8ʹê Adarê li hemû jinan pîroz kir.

	&nbsp;

	Qamişlo

	&nbsp;

	Navenda Dîplomasiya Civakî ya Bakur û Rojhilatê Sûriyeyê bi beşdarbûna bi dehan şêniyan û endamên Meclisa Malbatên Şehîdan semînerek li navenda xwe ya li taxa Miheta ya bajarê Qamişloyê &nbsp;pêk anîn.

	&nbsp;

	Endama Rêveberiya navenda Dîplomasiya Civakî Nûrşan Hisên seminer da. ve hat dayîn.&nbsp;

	&nbsp;

	Piştî axaftinan, sinevîzyonek li ser dîrok û têkoşîna jinê, destkeftiyên ku di şoreşa Bakur û Rojhilatê Sûriyeyê de bi dest xistine, hat pêşandan.

	&nbsp;

	Dêrazor

	&nbsp;

	Yekitiya Jinên Ciwan a Dêrazorê semînerek li ser danasîna 8ʹê Adarê li avahiya Yekitiya Werzîşê ya bajarokê Mihêmîda yê gundewarê rojava da. Nûnerên Yekitiya Jinên Ciwan û Tevgera Ciwanên Şoşreger tev li semînerê bûn.

	&nbsp;