
Mexdûrên erdhejê yên Xoyê konên xwe di nava goristanê de danîne 

2023-02-18 15:50:21


	&nbsp;

	&nbsp;

	NAVENDA NÛÇEYAN - Tevî nêzî mehek bi ser erdheja li bajarê Xoy a li rojhilatê Kurdistanê re derbaz bûye, lê hîn jî mexdûrên erdhejê li derdora gund û bajaran, di vê sermayê de ji derve û di rewşek xirab de dijîn.

	&nbsp;

	Li bajarê Xoy a rojhilatê Kurdistanê di 28’ê çileyê de erdhejek bi pileya 5.9 pêk çêbû. Piştî erdehejê xebatên alîkariyê nehatine destpêkirin. Di erdheja ku 7 kesan jiyana xwe ji dest dabûn û hezar û 397 kes jî birîndar bibûn de bi hezaran malbat bêcih man.

	&nbsp;

	Li gorî rapora malpera Radyo Zeman, tevî nêzî mehek bi ser erdheja li Xoyê re derbaz bûye, lê hîn jî mexdûrên erdhejê li derdora bajar û gundan divê sermayê de di rewşek xirab de jiyan dikin.

	&nbsp;

	Gorî heman raporê, gelek mexdûrên erdhejê, neçarmane konên xwe di nava goristana kevin ya li taxa Melabax ya bajarê Xoyê de danin.

	&nbsp;

	Di erdheja li bajarê Xoy ya li Rojhilatê Kurdistanê de, bi sedan kes neçarman ji malên xwe derbikevin. Di vê sermayê de ji ber bêxemiya rayedar û saziyên dewleta Îranê, xelk di rewşek xirab de jiyan dikin.

	&nbsp;