
Li Şengal û Kerkukê li dijî komployê çalaki

2023-02-15 22:22:00


	&nbsp;

	NAVENDA NÛÇEYAN-Bi munasebeta salvegera Komploya Navnetewî &nbsp;ya 15’ê Sibata 1999’an a li dijî Rêberê PKK’ê Abdullah Ocalan li Şengal û Kerkukê bi tevlêbûna sedan kesî çalakiyên protestoyî pêk hatin.

	&nbsp;

	Komploya 15’ê Sibatê ya li dijî Rêberê PKK’ê Abdullah Ocalan bi meşeke girseyî li Şengalê hat protestokirin. Meş bi dirûşmeya “Ji Serok Apo re Azadî , ji Şengalê re Xweserî“ li ber avahiya Meclîsa Gel a Sinûnê dest pê kir û heta çarxerêya Mam Zekî berdewam kir.&nbsp;

	&nbsp;

	Li ser navê Rêveberiya Xweser a Şengalê Heso îbrahîm axivî û got: “Di serî de em bi navê gelê Şengalê silav û hezkirinên xwe ji Rêber Apo re dişînin û her wiha berxwedaniya gerîlayên azadiyê ku li dijî dewleta faşîst a dijminê mirovahiyê û koka Kurdistanê, Êzdiyan silav dikin. Em wek gelê Şengalê xwe deyndarê fikr û felsefeya Rêber Apo dibînin, ji ber ku dema hemû hêzên xwe xwediyê Şengalê didîtin ji pişt me revaiyan, tenê şagirtên Rêber Apo xwe gihandin hawara me û gelê me ji qikirinê rizagirkirin.”

	&nbsp;

	Li ser navê TAJÊ Neam Bedel jî axivî û wiha got: “Beriya niha her kesek dihat û xwe li ser Şengalê dikir desthiladar û gelê me dikire koleyê xwe. Lê fikirê Serokatî dibêje hûn ji xwe re bikin û em piştevanê wene. Em jî bang li gelê xwe dikin, di her alîde xwe rêxistin bikin û ji bo azadiya serokatiyê têkoşîn bikin.”

	&nbsp;

	Ji Saziya Malbatên Şehîdan a Şengalê Meyan Nasir jî bang li civaka Êzidî kir ku ji bo azadiya Rêberê Gelê Kurd Abdullah Ocalan rabin li ser piyan û di nava çalakiyan de bin.

	&nbsp;

	Serokê Meclîsa Gundên Erebe Ebû Seger jî axivî û got: “Em ê weke gelê Ereb û Êzidî bi hevre ji bo azadiya Rêber Apo her li ser piyan bin û em bang li NY’yê dikin, ji bo em agahiyê ji Rêberê xwe bigirin bibe xwedî helwest.”&nbsp;

	&nbsp;

	Kerkuk

	&nbsp;

	Tevgera Azadî li Kerkûkê Komploya Navneteweyî ya 15’ê Sibata 1999’an a li ser Rêberê PKK’ê Abdullah Ocalan hate kirin, bi daxuyaniyekê şermezar kir.

	&nbsp;

	Daxuyanî ji aliyê Hevserokê Meclîsa Tevgera Azadî ya Kerkûkê Komel Sermend ve hate dayîn.Sermend diyar kir ku ev 24 sali n Ocalan li Îmralî tê ragirtin û ji hemû mafê xwe hatiye bêparkirin û her wiha 23 meh in jî ti agahî jê nayê girtin.

	&nbsp;

	Komel bal kişand ser bêdengiya saziyên mafê mirovan ên Ewropa û dîsa CPT got: “CPT û Dadgeha Navneteweyî li ber tecrîd û êşkenceyê bêdeng in, bê helwestin û ev yek ne li gorî mafê bingehîn ên demokrasî, exlaq û mafê mirovan e.”Komel bang li gelê Kurd û cîhanê kir ku ji bo aştiyê û demokrasiyê hemû hewldanan wan ji bo azadiya fîzîkî ya Ocalan be.

	&nbsp;