
Welatiyên Efrîn û Şehbayê Komploya Navneteweyî şermezar kir 

2023-02-15 15:42:14


	&nbsp;

	&nbsp;

	NAVENDA NÛÇEYAN - Bi deh hezaran şêniyên kantonên Efrîn û Şehbayê Komploya Navneteweyî ya li dijî Rêberê PKK’ê Abdullah Ocalan bi meşeke girseyî li navçeya Fafîn a Şehbayê şermezar kir.

	&nbsp;

	Bi deh hezaran koçberên Efrînê û şêniyên Şehbayê bi dirûşma "Êdî bes e tecrîd, înkar û îxanet, dem dema azadî û hilweşandina Komploya 15'ê Sibatê ye" meşeke girseyî li Şehbayê ji bo şermezarkirina Komploya Navneteweyî ya li dijî Rêber Abdullah Ocalan şermezar kir.

	&nbsp;

	Meş ji têketina Fafînê ber bi qada Dibistana Ajokariyê ve kete rê. Şêniyan wêneyên Abdullah Ocalan û pankartên "Dem dema azadiyê ye" hildan.

	&nbsp;

	Li qadê, li dengê Abdullah Ocalan hate guhdarkirin. Dûre endama Meclisa Giştî ya PYD'ê Zelal Ceger axivî û Komploya Navneteweyî şermezar kir. Zelalê bang kir ku divê hemû gel beşdarî têkoşîna li dijî tecrîdê bibe û pabendî fikir û felsefeya jiyan û vîna azad a Rêber Ocalan bin û asta berxwedan û têkoşînê bilind bikin.

	&nbsp;

	Zelal Ceger diyar kir ku bi hezaran şervanên azadiyê yên li 4 parçeyên Kurdistanê û Ewropayê di oxira azadiyê de tê dikoşin û got: "Tu kes nikare roja me tarî bike û me ji Rêber Ocalan bi dûr bixe."

	&nbsp;

	Zelal Ceger destnîşan kir ku koçberên Efrîn û şêniyên Şehba û taxên Şêxmeqsûd û Eşrefiyê ruxmî hemû rewşên dijwar dewam dike û piştrast kir ku azadiya Abdullah Ocalan garantiya rizgarkirina Efrîn û hemû herêmên dagirkirî ye û got: "Dê sala 2023 bibe sala azadiya Rêber Ocalan, rizgarkirina hemû herêmên dagirkirî yên li Bakur û Rojhilatê Sûriyeyê."

	&nbsp;

	Meş bi dirûşma silavkirina berxwedana Abdullah Ocalan û şermezarkirina komployê bi dawî bû.

	&nbsp;