Rêveberiya Xweser karwanekî din ê alîkariyê dişîne herêmên erdhejê

2023-02-11 14:40:05


	 

	 

	NAVENDAN NÛÇEYAN - Rêveberiya Xweser beşeke din a alîkariyê ji bo herêmên erdhejê amade kir û dê bişîne herêmên erdhejê yên di bin serweriya hikumeta Şamê de.

	 

	Rêveberiya Xweser a Bakur û Rojhilatê Sûriyeyê ji bo alîkariya mexdûrên erdhejê yên li Sûriyeyê hemû derfetên xwe seferber kirine. Rêveberiya Xweser beşeke nû ya alîkariyê ji bo herêmên hikumeta Şamê yên wêranbûyî amade kiriye.

	 

	Li gorî hevserokê Daîreya Ragihandinê ya Rêveberiya Xweser a Bakur û Rojhilatê Sûriyê û endamê Maseya Krîzê Ciwan Mele Îbrahîm karwanê nû yê alîkariyê ji 50 tankerên sotemeniyê pêk tê û dê ber bi deriyê Tayiheyê ve bikeve rê.

	 

	Rêveberiya Xweser wekî beşa yekemîn a alîkariyê, duh 50 tankerên sotemeniyê şandibûn deriyê Tayiheyê.

	 

	Heta niha hikumeta Şamê destûra derbaskirina alîkariyan nedaye. Her wiha dewleta Tirk a dagirker alîkariyên ku Rêveberiya Xweser ji bo herêmên wêrankirî yên dagirkirî amade kirine, li deriyê Um Cilûd asteng kirine.